Mae miloedd o bobl wedi bod yn gorymdeithio drwy ganol Llundain i ddangos eu cefnogaeth i bobl Palesteina sy’n dioddef ymosodiadau gan Israel.
Dywed y trefnwyr fod angen i lywodraeth Prydain weithredu ar frys i helpu dod â’r trais i ben.
Daeth y protestwyr at ei gilydd yn Hyde Park am hanner dydd i orymdeithio tuag at lysgenhadaeth Israel yn Kensington.
Roedd miloedd yn gweiddi “free, free Palestine” ac yn dal baneri yn galw ar luoedd Israel i roi’r gorau i’r bomio.
Ymysg y rhai mae disgwyl iddyn nhw annerch y dorf mae cyn-arweinydd Llafur, Jeremy Corbyn, a’r ASau Llafur Diane Abbot a Zara Sultana.
