Mae llefarydd Tŷ’r Cyffredin, Lindsay Hoyle, wedi dweud wrth Liz Saville-Roberts stopio siarad Cymraeg wrth iddi ofyn cwestiwn.
Dywedodd y Llefarydd wrthi “stopio”, a bod “mynd ymlaen yn Gymraeg” yn mynd yn groes i reolau’r siambr.
Roedd Liz Saville-Roberts, Aelod Seneddol Plaid Cymru dros Ddwyfor Meirionnydd, yn dymuno Dydd Sant Padrig hapus i bawb, ac esboniodd iddo mai Gaeleg oedd rhan gyntaf y frawddeg.
Mae’r digwyddiad yn dangos “dirmyg San Steffan tuag at ieithoedd lleiafrifol,” yn ôl Liz Saville-Roberts.
Ychwanegodd, nad oedd hyn yn “feirniadaeth ar y Llefarydd, sydd ond yn gweithredu’r rheolau.”
Mewn trydariad dywedodd Liz Saville-Roberts, ei bod yn “hen bryd i’r rheolau gael eu newid er mwyn adlewyrchu realiti cymdeithas fodern.”
Reprimanded for wishing the House of Commons a happy #StPatricksDay in #Cymraeg and #Gaeilge.
Westminster’s disdain for minority languages knows no bounds. It is high time rules are changed to reflect the reality of modern society. ?????????https://t.co/Z9Kbs7bt1Z
— Liz Saville Roberts AS/MP (@LSRPlaid) March 17, 2021
Wedi iddi esbonio, dywedodd Linsay Hoyle nad oes ganddo ddim “dadleuon yn erbyn defnyddio’r Gymraeg, ond mai’r Tŷ Cyffredin sy’n gwneud y rheolau”, a’i fod o yno i “sicrhau bod y pawb yn cadw atynt.”
Oni bai am eithriadau sy’n caniatáu i’r Gymraeg gael ei defnyddio mewn pwyllgorau, mae’n rhaid i areithiau a gweithgareddau eraill yn Nhŷ’r Cyffredin ddigwydd yn Saesneg, yn ôl rheolau San Steffan.
Gellir cynnwys dyfyniadau mewn ieithoedd eraill, ond dylid cynnwys cyfieithiad Saesneg.
