Arweinydd yr SDLP yn gadael Stormont

Stormont
Mae arweinydd yr SDLP wedi cyhoeddi ei fod yn gadael Stormont er mwyn canolbwyntio ar gadw ei sedd yn San Steffan.

Cadwodd Alasdair McDonnell, a gafodd ei ethol yn 2005, ei sedd yn Ne Belfast gyda 9,560 o bleidleisiau.

Mae’r broses o ddod o hyd i arweinydd newydd yn Stormont eisoes ar y gweill.

Dywedodd wrth raglen Sunday Politics y BBC: “Bydd yn trafod gyda’r blaid y broses o symud ymlaen gan fy mod i bellach wedi cadw fy sedd yn San Steffan am y trydydd gwaith ac mae hynny’n gyflawniad mawr.

“Mae De Belfast yn parhau’n fwyafrif i’r unoliaethwyr.”

Cadwodd yr SDLP eu seddi yn Foyle a De Down yn dilyn yr etholiad cyffredinol.

Does dim hawl bellach gan wleidyddion yng Ngogledd Iwerddon i fod yn aelodau seneddol ac yn aelodau cynulliad ar yr un pryd yn dilyn deddfwriaeth fydd yn dod i rym y flwyddyn nesaf.

Y DUP yw’r blaid fwyaf yng Ngogledd Iwerddon o hyd, ond roedd ambell fuddugoliaeth annisgwyl i’r UUP nos Iau.

Enillon nhw seddi De Antrim and Fermanagh a De Tyrone er mwyn dychwelyd i San Steffan yn dilyn cyfnod heb gynrychiolwyr.