Mae dau o bobol wedi cael eu lladd ar ôl gwrthdrawiad rhwng bws mini a lori yn Swydd Stafford y bore ma.
Cafodd y gwasanaethau brys eu galw i ffordd A511 ger Burton-on-Trent toc cyn 7 o’r gloch, ac fe fu farw’r ddau yn y fan a’r lle.
Cafodd dyn yn ei 20au ei gludo i’r ysbyty yn Nottingham ag anafiadau difrifol i’w ben, a chafodd dyn arall ei gludo i’r ysbyty yn Burton â phoen yn ei frest.
Mae pedwar o bobol eraill yn derbyn triniaeth yn yr ysbyty yn Burton am fân anafiadau.
