Mae ditectifs yn archwilio lluniau camera cylch-cyfyng er mwyn ceisio cliwiau wrth drio dod o hyd i dri dyn mewn masgiau, wedi i ddyn 22 oed gael ei saethu yn ei stumog gartre’.
Mae Heddlu’r West Midlands yn dweud i giang o ddynion dorri eu ffordd i mewn i gartre’r teulu ger Dudley – ond chafodd y pump aelod arall ddim eu hanafu o gwbwl yn y digwyddiad.
Fe gafodd y dyn 22 oed ei saethu tua 8yh neithiwr, ac mae bellach mewn cyflwr sefydlog yn yr ysbyty. Roedd y giang wedi hawlio arian ganddo.
