Mae dyn wedi marw wedi iddo gael ei wthio i lwybr car yn dilyn ffrae y tu allan i dafarn yn Greater Manchester.
Fe gafodd y gwasanaethau brys eu galw wedi adroddiadau am wrthdrawiad yn Middleton tua chwarter i un o’r gloch y bore, fore heddiw.
Fe ddaethon nhw o hyd i’r dyn 28 oed gydag anafiadau difrifol, ac fe gyhoeddwyd ei fod wedi marw yn y fan a’r lle, er gwaetha’ ymdrechion yr heddlu a pharafeddygon i’w achub.
Mae dyn 31 oed wedi cael ei arestio ar amheuaeth o lofruddiaeth, ac mae’n parhau yn y ddalfa yn cael ei holi.
