Mae tri o bobol wedi marw, a thri arall wedi’u hanafu’n ddifrifol, yn dilyn gwrthdrawiad rhwng dau gar yn Lloegr.
Bu farw dau ddyn ac un ddynes pan fu eu car Toyota mewn gwrthdrawiad efo cerbyd Seat yn Conisbrough, Doncaster yn Ne Swydd Efrog.
Mae dyn a dynes arall a oedd yn teithio yn y Toyota wedi cael eu cludo i’r ysbyty yn diodde’ o anafiadau difrifol iawn.
Fe ddigwyddodd y ddamwain tua 9.40yh neithiwr (nos Sadwrn).
Mae gyrrwr y Seat hefyd wedi’i gludo i’r ysbyty gydag anafiadau difrifol, ond dydi ei fywyd o ddim mewn peryg.
