Mae heddlu yn Northumbria yn chwilio am ddyn y maen nhw’n credu sydd wedi syrthio i mewn i afon.
Mae’r heddlu wedi cyhoeddi datganiad yn dweud eu bod yn bryderus iawn am y dyn, sy’n ei 40au, a welwyd yn sefyll ar lan Afon Wansbeck yn Whorral Bank, Morpeth, Northumberland.
Fe gafodd ei weld gan swyddogion yr heddlu oedd ar batrol yn yr ardal am 2.22yb heddiw, ac fe aethon nhw i weld os oedd o’n iawn.
Ond pan gyrhaeddon nhw lan yr afon, doedd y dyn ddim i’w weld yn unlle – ac fe ddechreuwyd chwilio amdano’n syth bin.
