Lleidr, ei bartner a’i blant “ar goll”

Mae ditectifs sy’n chwilio am leidr yn Swydd Amwythig er mwyn ei ddychwelyd i’r carchar, yn dweud fod ei blant hefyd ar goll.

Mae Heddlu West Mercia yn rhybuddio’r cyhoedd i beidio â mynd yn agos i James Delaney, 27 oed, o Telford. Fe gafodd ei garcharu yn 2011 am ladrata, ac fe gafodd ei ryddhau ar drwydded ym mis Rhagfyr y llynedd.

Mae’r heddlu’n credu y gallai fod gyda’i bartner 25 oed a’u plant, ac maen nhw’n trin y plant fel rhai “ar goll” bellach.

“Rydyn  ni’n pryderu am y teulu i gyd, ond yn arbennig am y plant,” meddai llefarydd ar ran Heddlu West Mercia.

“Y gred ydi fod James Delaney yn ardal Sparkbrook neu Moseley yn Birmingham.”