Llys Ynadon Westminster
Mae disgwyl i gyn saethwr yr heddlu ymddangos yn y llys heddiw ar gyhuddiad o lofruddio dyn oedd yn cael ei amau o ladrata.
Mae’r cyn swyddog gyda’r Heddlu Metropolitan wedi’i gyhuddo o ladd Azelle Rodney yn fwriadol.
Cafodd ei saethu gan yr heddlu yn Edgware, gogledd Llundain ym mis Ebrill 2005.
Bu farw Azelle Rodney, 24 oed, ar ôl i swyddogion atal y car yr oedd yn teithio ynddo gyda dau ddyn arall. Roedd yr heddlu’n ofni eu bod nhw ar eu ffordd i ddwyn oddi wrth werthwyr cyffuriau o Golombia a bod ganddyn nhw ddryll yn eu meddiant.
Cafodd Azelle Rodney ei saethu chwe gwaith, unwaith yn ei freichiau, ei gefn a phedair gwaith yn ei ben.
Mae’r swyddog yn cael ei adnabod fel E7 ar ôl iddo gael yr hawl i aros yn ddienw yn sgil ymchwiliad i farwolaeth Azelle Rodney.
Mae disgwyl iddo fynd gerbron Llys Ynadon Westminster heddiw.
Cafodd ei gyhuddo ym mis Gorffennaf ar ôl i Wasanaeth Erlyn y Goron adolygu tystiolaeth newydd yn dilyn ymchwiliad cyhoeddus i farwolaeth Azelle Rodney.
