Mary Berry yw un o feirniaid The Great British Bake Off
Mae sgandal “bin-gate” wedi denu’r nifer fwya’ erioed i wylio The Great British Bake Off ar BBC 1 Prydain.
Yn y bennod ddadleuol – pan sodrodd Iain Watkins farfog ei gacen hufen iâ a sbwnj mewn bin – roedd 10.25 miliwn yn gwylio.
Golyga hynny fod y rhaglen ymysg y rhai mwyaf’ poblogaidd ar y BBC eleni, ac mewn cwmni dethol sy’n cynnwys y dramâu Sherlock a Call The Midwife a gemau pêl-droed Cwpan y Byd.
Cyn y bennod dan sylw, y nifer fwya’ i wylio The Great British Bake Off oedd y 9.4 miliwn welodd y ffeinal y llynedd.
