Douglas Carswell
Mae’r Blaid Geidwadol wedi cyhoeddi y bydd isetholiad Clacton yn Essex yn cael ei gynnal ar 9 Hydref.
Daw’r isetholiad ar ôl i gyn Aelod Seneddol y Ceidwadwyr Douglas Carswell benderfynu ymuno a UKIP.
Bydd yn cael ei gynnal wythnos ar ôl cynhadledd flynyddol y Ceidwadwyr.
Daeth cyhoeddiad annisgwyl Douglas Carswell wythnos diwethaf ei fod yn ymuno a UKIP, gan orfodi isetholiad yn ei etholaeth yn Clacton.
Mae arolygon barn yn awgrymu bod ganddo fwyafrif yn yr etholaeth, a bod posibilrwydd mai ef fydd yr aelod cyntaf o blaid UKIP i gael ei ethol i’r Senedd.
Roedd Douglas Carswell wedi bod yn AS Ceidwadol yn Clacton ers 2010.
Nid yw’r Ceidwadwyr wedi cyhoeddi pwy yw eu hymgeisydd ar gyfer yr isetholiad hyd yn hyn.
