Mae dau fachgen wedi’u harestio ar amheuaeth o lofruddio dyn 18 oed.
Fe ddaeth yr heddlu o hyd i Aqeel Khan wedi’i drywanu yn Watford brynhawn ddoe.
Mae dau fachgen, 15 a 16 oed, wedi’u harestio dros nos. Fe gafodd dyn 21 oed ei arestio brynhawn ddoe hefyd. Mae’r tri yn parhau yn y ddalfa.
Fe gafwyd Mr Khan yn Croxley View tua 4.20yp, ac fe gafodd ei gludo’n syth i Ysbyty Cyffredinol Watford. Bu farw yno yn ddiweddarach.
