Cliff Richard
Mae’r gantores a’r gyflwynwraig deledu, Cilla Black, wedi bod yn amddiffyn ei chyfaill, Cliff Richard, tros honiadau ei fod wedi ymosod yn rhywiol ar fachgen yn yr 1980au.
Fe fu cyrch ar fflat Cliff Richard yn Berkshire yr wythnos ddiwetha’, fel rhan o ymgyrch gan luoedd De Swydd Efrog a Thames Valley, Maen nhw’n ymchwilio i honiadau fod y canwr 73 mlwydd oed wedi ymosod yn rhywiol ar fachgen ifanc mewn digwyddiad crefyddol yn 1985.
“Mae Cliff yn ffrind agos i mi, ac mae wedi bod yn ffrind i mi ers miliynau o flynyddoedd,” meddai Cilla Black mewn datganiad.
“Rydw i, fel pawb arall, wedi dychryn o glywed am yr honiadau hyn, ac rwy’n bendant nad oes sail i’r un ohonyn nhw.”
