Rik Mayall
Fe fu farw’r digrifwr a’r actor Rik Mayall yn ei gartref yn Llundain y bore ma, meddai llefarydd.
Roedd Mayall, 56 oed, wedi dod i amlygrwydd yn chwarae Rick yn y gyfres The Young Ones, ac roedd hefyd wedi ymddangos mewn cyfresi teledu fel Blackadder, Bottom a The New Statesman.
Cafodd ei anafu’n ddifrifol mewn damwain beic pedair olwyn yn 1998 a bu mewn coma am rai dyddiau, ond bu’n gweithio tan yn ddiweddar.
Mae’n gadael gwraig a thri o blant.
