Cyngor cynta’ i wahardd ffracio – Brent am arwain

Mae ffracio wedi bod yn destun protestio yn ne Cymru
Mae cyngor lleol yn Llundain yn honni mai nhw yw’r awdurdod lleol cynta’ yng ngwledydd Prydain sy’n bwriadu gwahardd y broses o ffracio.

Dywed Cyngor Brent, sy’n cael ei reoli gan y Blaid Lafur, eu bod am ddefnyddio “unrhyw fodd gyfreithiol” er mwyn atal cwmnïau ynni rhag tyllu oddi mewn i ffiniau’r awdurdod.

Mae Llywodraeth y Deyrnas Unedig yn gefnogol i’r syniad o dyllu am nwy siâl, gan honni y gall y broses ostwng biliau ynni a chreu miloedd o swyddi.

Ond mae ymgyrchwyr amgylcheddol yn gwrthwynebu ffracio’n chwyrn gan honni fod y dechneg yn cynyddu newid hinsawdd, achosi daeargrynfeydd a llygru cyflenwadau dŵr.