Andy Murray
Mae David Cameron wedi ychwanegu at y dyfalu y bydd pencampwr Wimbledon, Andy Murray, yn cael ei urddo.
Dywedodd y Prif Weinidog bod yr anrhydedd yn cael ei benderfynu yn annibynnol ond ychwanegodd: “Ni allaf feddwl am unrhyw un sy’n haeddu un yn fwy nag ef.”
Dywedodd bod buddugoliaeth Murray, y Prydeiniwr cyntaf i ennill teitl senglau’r dynion yn Wimbledon ers 77 mlynedd, wedi “codi ysbryd yr holl wlad”.
wrth gwrs tasa fo di colli, nid Prydeinwr mohonno wedyn ond Scotyn.
“…y Prydeiniwr cyntaf i ennill teitl senglau’r dynion yn Wimbledon ers 77 mlynedd”.
Gwell ffordd o eirio hwn fyddai “…yr Albanwr cyntaf i ennill senglau’r dynion yn Wimbledon. Does yna’r un Sais wedi ennill ers 77 mlynedd gydag ychydig iawn o obaith am enillydd o Loegr yn y dyfodol agos.”
Cywiriad ar yr uchod;
“…yr Albanwr cyntaf i ennill senglau’r dynion yn Wimbledon (er fod yna ansicrwydd os fod enillydd 1896, Harold Mahony, yn Albanwr neu’n Wyddel). Does yna’r un Sais wedi ennill ers 77 mlynedd gydag ychydig iawn o obaith am enillydd o Loegr yn y dyfodol agos.”