Carcharu Islamiaid am drefnu ymosodiad terfysgol

Y chwech wedi bwriadu ymosod ar rali’r EDL yng Ngogledd Swydd Efrog

10 Mehefin 2013

Mae chwech o Foslemiaid wedi cael eu carcharu am drefnu ymosodiad terfysgol ar gyfarfod yr EDL yng Ngogledd Swydd Efrog.

Cafodd y chwech eu carcharu am hyd at 19 mlynedd a hanner yr un.

Dywedodd y barnwr bod y chwech wedi cael eu hysbrydoli gan “ddeunydd eithafol oedd ar gael yn hawdd.”

Teithiodd y chwech i’r rali yn Dewsbury fis Mehefin diwethaf gyda llu o arfau yng nghefn y car, gan gynnwys drylliau, cleddyfau, cyllyll a bomiau cartref.

Cyfaddefodd Jewel Uddin, 27, Omar Mohammed Khan, 31, Mohammed Hasseen, 24, Anzal Hussain, 25, Mohammed Saud, 23, a Zohaib Ahmed, 22, mewn gwrandawiad ym mis Ebrill eu bod nhw wedi trefnu’r ymosodiad.

Cafodd Khan, Uddin ac Ahmed eu carcharu am 19 mlynedd a hanner a chyfnod ychwanegol o bum mlynedd ar drwydded, tra bod y tri arall wedi’u dedfrydu i 18 mlynedd a naw mis dan glo, gyda chyfnod ychwanegol o bum mlynedd ar drwydded.

Gwaeddodd aelodau’r EDL “God Save The Queen” o’r galeri cyhoeddus wrth i’r chwech gael eu dedfrydu.

Roedd eraill i’w clywed yn galw “Allahu Akbar”.

Bydd y chwech yn gorfod cwblhau dau draean o’r ddedfryd cyn cael eu hystyried am barôl.

Y cefndir

Teithiodd pump o’r criw i’r rali ar Fehefin 30 y llynedd, gyda’r bwriad o anafu a lladd ar raddfa fawr.

Daeth y digwyddiad i ben am 2 o’r gloch, ond fe gyrhaeddodd y criw am 4 o’r gloch, ac fe gawson nhw eu dal gan yr heddlu.

Cafodd yr arfau eu darganfod ar ôl iddyn nhw gael eu harestio.

Dywedodd y barnwr Nicholas Hilliard QC ei fod e’n credu y gallai’r criw gynllunio ymosodiad tebyg yn y dyfodol oni bai eu bod nhw’n cael eu carcharu.

Ychwanegodd ei fod e wedi rhoi dedfryd hir i’r chwech gan y gallen nhw fod wedi anafu plismyn ac aelodau’r cyhoedd nad oedden nhw’n rhan o’r rali.

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Asiantaeth y Swyddfa Brisio

Arolygydd Eiddo – Siaradwr Cymraeg

Prifysgol Bangor

Is-ddatblygwr Meddalwedd

Menter Iaith Conwy

Swyddog Ardal Wledig (Dyffryn Conwy)

29 sylw

Guto Goch 10 Mehefin 2013, 14:39

Llythyr difyr yn y WM heddiw gan gyn-filwr yn cymharu gwrolion disgybledig yr Ymerodraeth â chiwed afreolus a chreulon y Mau Mau – ‘yeah, right’. Dim bai ar y llythyrwr – roedd ‘brainwashing’ anhygoel yn digwydd ym myddinoedd y Pwerau Mawr ar ôl yr Ail Ryfel Byd – ond mae’n dangos fod Prydeinwyr wedi hen berffeithio’r grefft o gondemnio trais a’i gyfiawnhau yn yr un anadl.

Hannah J 10 Mehefin 2013, 16:09

Mae’r ddau athrylith gwrth-Gristnogol rheolaidd wedi cael y blaen arnaf yngl^yn â’r pwnc hwn.
Os nad oedd hwn yn ymosodiad terfysgol cynlluniedig, fe hoffwn wybod beth sydd.
Diddorol sut y gweithiodd pethau. Diddorol AC arwyddocaol iawn. Edrychwn ar y ffeithiau. Chwe therfysgwr mwslemaidd am lofruddio llwyth o’u gelynion mewn protest gyhoeddus liw dydd. Ond, arhoswch – y brotest yn dirwyn i ben yn fuan. Ac o’r herwydd, neb i’w lofruddio. Lwc mwnci ynteu gwyrth gan Dduw i rwystro dilynwyr y gau broffwyd?
Yna, heddwas cyffredin yn digwydd sylwi nad oedd car dilynwyr y gau broffwyd yn meddu ar yswiriant, ac yn atafaelu’u car. Ac wedyn canfod yr arfogaeth yng nghist y car. Lwc mwnci, ynteu Llaw Duw ar y mater?
Yn olaf, anodd gweld sut mae a wnelo ‘hil’ ddim i wneud â’r un o’r achosion hyn, o’r ddwy ochr. Ymgais y naill griw i orfodi cyfraith sharia, a’r criw arall yn ymateb. Dwi ddim yn gweld ‘hil’ yn dod iddi.

Cwm Rhyd Chwados 10 Mehefin 2013, 16:33

I ateb dy gwestiwn am beth fu’n gyfrifol am rhwystro y chwe gwr ‘doeth’ hyn; lwc mwnci a dôs go dda o dwpdra (twpdra’n fyddai’n chwerthinllyd oni bai am yr erchylltra a fwriadwyd ganddynt) ymhlith y terfysgwyr.

Hannah J 10 Mehefin 2013, 16:46

Hmm, ie dyna farn nodweddiadol anffyddiwr. Popeth yn ‘lwc’ neu’n ‘anlwc’. Mae o’n ymestyn tipyn go lew ar y dychymyg y tro hwn – y fath ‘anlwc’ i un garfan.
Llaw Duw, heb amheuaeth.

Colyn 10 Mehefin 2013, 17:03

Dydw i ddim o blaid y mwslim. Dwi chwaith ddim yn wrth-Gristnogol. Gwrth-bobl-unlygeidiog- hunangyfiawn-Gristnogol (a gwyn) ydw i.

Guto Goch 10 Mehefin 2013, 17:13

Y pwynt ydi condemnio trais, Hannah, ac mae Cristnogaeth ac Islam yn gwahardd pobl rhag lladd eu cyd-ddyn, fel y mae Dyneiddiaeth hefyd am wn i.

CGT 10 Mehefin 2013, 17:47

Dwi’n ofni, Hannah, os yr wyt yn priodoli’r weithred o ganfod y terfysgwyr a’u harfau i ymyrraeth duwiol, yna rhaid priodoli’r gweithredoedd o derfysgaeth llwyddiannus yn yr un modd.
Yr wyf yn gapelwr selog, ond ni fuaswn yn gweld llaw y bod mawr ym mhob un digwyddiad dynol, neu buaswn yn dechrau credu fod Duw yn atebol am ddrygioni yn ogystal a daioni.

Hannah J 10 Mehefin 2013, 20:19

Testun siomiant garw iawn yw’r ymateb gwrth-Gristnogol ffyrnig uchod. Testun mwy byth o siomiant yw diffyg ymateb yr arweinwyr eglwysig yng Nghymru. Neb o’r capeli’n darllen y golofn hon? Choelia i fawr. Llwfrgwn di-egwyddor, debycaf.

Y ffaith amdani yw fod Duw yn GALLU symud mewn achosion fel hyn, a fwy na thebyg ei fod O wedi gwneud yn yr achos hwn. Faint o dystiolaeth fyddai pobol fel y chi’i hangen? Llythrennau breision yn yr awyr?

Nad anghofier mai’r diafol sy’n rheoli’r byd ers dyddiau cwymp Adda ac Efa. Dyna pam bod yr Iesu’n cyfeirio ato fel “the ruler of this world.”

Yn ôl pob sôn, dydi’r koran DDIM yn gwahardd llofruddio yn gyfan gwbl. Mae’n dibynnu ar y gwrthrych. Mae gan fwslim ‘hawl’ i ladd ‘kuffars’ (chi a fi) mewn rhai amgylchiadau.

Mae gofyn i chi’r Cymry fod yn effro i ymyrraeth Duw. Dydi ymyrraeth Duw ddim yn cael ei ragflaenu gan floedd neu sain trwmped.

Calondid o’r mwyaf yw gweld pobol o dras estron yng Nghymru heddiw sy’n arddel enw Duw yn yr un modd ag roedd y Cymry’n gwneud ganrif a mwy yn ôl.

Gyda llaw, rwyf yn hyderus a ffyddiog bod diwygiad mawr arall ar ei hynt. Mae yna ormod o broffwydoliaethau i’r perwyl hwnnw wedi’u gwneud dros yr ychydig flynyddoedd diwethaf mewn sawl cwr o’r byd.

Colyn 10 Mehefin 2013, 20:38

Ymyrraeth Duw? Pam na wnaeth O ddim ymyrryd pan gipwyd April Jones?

Guto Goch 10 Mehefin 2013, 20:51

Y broblem ydi Hannah, does gen ti ddim ffydd.

Hannah J 10 Mehefin 2013, 23:06

Dwi ddim yn gwybod pam na wnaeth Duw ymyrryd pan laddwyd April Jones. Mae gweddi’n chwarae rhan enfawr o ran ymyrraeth Duw. Rhan tyngedfennol ac arwyddocaol.
Does gen i ddim ffydd, medd y llall. Wel, dwi’n mawr obeithio mai rhywbeth rhwng Duw a fi ydi hynny, nid rhwng y fi a thrydydd parti digon cellweirus.
Mae’n bryd i chi’r dyneiddwyr ddarllen pum Llyfr cyntaf y Testament Newydd – Mathew, Marc, Luc, Ioan, Actau. Gwirioneddol ddadlennol. Ac ar ôl eu darllen fesul pennod y dydd, eu hailddarllen. Os ydi o’n ddigon da i mi, mae o’n ddigon da i chithau.

Guto Goch 10 Mehefin 2013, 23:17

Dwi’n gweld Beibl y Plant yn fwy perthnasol i fywyd go iawn, Hannah. Hwnnw a ‘Hanner Cystal â ‘Nhad’ gan Dai Davies sy’n fy nghynnal i.

Ron 11 Mehefin 2013, 10:08

Digon da i ti yn Saesneg ynte Hannah? Pam na ddyfynni di byth o Feibl William Morgan, oedd yn ddigon da i dy hynafiaid? Mae rhywbeth chwithig yn dy ddyfynnu o adnodau Saesneg ynghanolmllith Gymraeg? Pentecostal Saesneg anfrodorol reit siwr, efo dim mwy o draddodiad yma na dilynwyr Islam, yr wyt ti’n eu collfarnu. Bible belt America ydi dy le di, del.

Hannah J 11 Mehefin 2013, 13:04

Mae’r capeli Cymraeg wedi colli’r plot ers dros hanner canrif, fy ngwas i. Ni fyddai addoldai Duw yn cau oni bai bod rhywbeth mawr wedi mynd o’i le.
Ie, diolch i Dduw yn llythrennol am fewnfudwyr o Saeson, Afffricans, a fforinars eraill sy’n cynnal fflam y ffydd yn y Gymry Gymraeg. Mae’r capeli/eglwysi Saesneg eu hiaith yn ffynnu tra bod y rhai Cymraeg yn/wedi cau.
Mae’r capeli Cymraeg yn sychlyd ac yn farwaidd. Pregeth, canu rhyw dair emyn, casgliad ar y diwedd, a dyna fo.
Os oes arnat eisiau bendith gan Dduw a dod i ddeall am Dduw, anghofia am y capeli Cymraeg; chwilia am gapel Saesneg ei iaith lle mae yna FYWYD go iawn oddi fry. Ond yr hydref diwethaf, fe gefais wellhad o’r asthma o ganlyniad i gyd-weddi ar Dduw mewn capel go iawn.

Ron 11 Mehefin 2013, 21:38

Rydw i’n cyffredinoli mi wn ond roeddwn yn arfer rhannu ty gyda chriw o Bentecostals Saesneg a dyna’r bobl mwyaf gwrthun o wrth-Gymreig a gwrth-Gymraeg i mi eu cwrdd erioed. Rhoddwch i mi gymdogion o ffydd Islam unrhyw ddydd (a byddent yn dawelach hefyd na rhyw “if you’re happy and you know it” am chwarter i chwech POB BLYDI BORE!!!).

Hannah J 11 Mehefin 2013, 22:24

Dyma ni unwaith yn rhagor. Dyneiddwyr bach Cymru’n crafu gwaelod y gasgen. Mae honiadau’r ddau ‘wr boheddig’ uchod islaw sylwadaeth.
Darllener pum Llyfr cyntaf y Testament Newydd yn y NKJV (New King James Version – fersiwn Americanaidd) lle mae’r cyfieithiad yn un llythrennol o’r Groeg ond mewn Saesneg rhwydd a chyfoes.
Yn y cyfamser, newyddion da ichi oll: mae yna ddiwygiad mawr ar y gweill yng Nghymru. Cadwch lygad ar gymoedd y De, ardal Caernarfon, ac ardal bryniau Rhuallt (hen ororau Cymru) nid nepell o Fflint.

Colyn 12 Mehefin 2013, 07:24

Cymraeg Saesneg a chyfoes? Mae’r Beibl newydd (NKJV) yn galw Iesu Grist yn ‘was’ i Dduw nid ei ‘fab’. Mae o’n llawn o eiriau gwahanol i hen Feibl 1611 gyda degau ar ddegau o eiriau wedi eu newid ac felly wedi newid yr ystyr.

Ron 12 Mehefin 2013, 08:25

Dwi ddim isio darllen dy feiblau Americanaidd di, dyna’r pwynt. Bu Beibl William Morgan yn fwy na digon da i Gymru, diolch, a mwy o urddas i holl draddodiad Anghydffurfiol-radicalaidd Cymru na’r lol bâs happy-clappy ma a’i gynodiadau asgell dda afiach.

Ron 12 Mehefin 2013, 08:46

O, ac yn peth arall cyn i mi adael y drafodaeth ynfyd yma. Rwyt ti’n taflu ‘Dyneiddiwr’ o gwmpas fel pe bai’n rhyw air budr (tydi o ddim). Newsflash i ti, nid gen ti a dy debyg mae’r monopoli ar Gristnogaeth, diolch byth. Cristion ydw innau, ond Cristion Cymreig a Chymraeg, sydd wedi etifeddu traddodiadau fy mhobl fy hun. Yn lle aros yn dy rigol bach gwrth-ddeallusol a mynny beth ddylai pobl eraill ei ddarllen dro ar ôl tro, beth am i tithau ddysgu tipyn bach mwy am draddodiad Cristnogol Cymru? Awgrymaf R. Tudur Jones a Lewis Valentine i ddechrau.

Gyda llaw, rhag na wyddost, ‘Dyneiddiwr’ yn ôl dy label di oedd R. Williams Parry.

Hannah J 12 Mehefin 2013, 11:51

Ron – Ti’n Gristion? Gyda pharch, dydi hynny ddim yn amlygu’i hun yn dy ebychiadau, mae’n rhaid cyfaddef. Ti’n un o’r Cymry crefyddol sefydliadol hynny sy’n mynd (neu wedi bod yn mynd) i gapel Cymraeg i gynnal traddodiad. Fel cyn ficar Porthmadog gynt. Ti’n defnyddio’r geiriau ‘etifeddu traddodiad’. Hollol. Dyna sut mae capeli Cymraeg mor ddychrynllyd o ddiflas ac amherthnasol. Cynnal traddodiad yn unig. Da i ddim.
Gwell gen i weld Duw ar waith a hynny mewn iaith estron ymysg llawer o amryfal estroniaid o bob lliw a chefndir na chymryd rhan mewn rhyw ffars Cymraeg o grefydd di-Dduw, di-rym, a di-ddim. Dydio ryfedd o gwbl bod pobl ifanc Cymru wedi hen droi’u cefnau ar y capeli Cymraeg. Yn anffodus, diolch i draddodiadwyr, mae’r babi wedi mynd allan gyda dwr y bath.

G M Hughes 12 Mehefin 2013, 14:16

Y tro diwethaf i mi fod mewn capel oedd … amser maith yn ôl. Boring uffernol. Capel Cymraeg oedd hwnnw hefyd, ac yn efo dad yn hogan fach ar ddydd Llun Diolchgarwch. Awr yn edrych fel tair awr.
Ai fi ydi o ynta ydi pob dim Cymraeg yn boring?
Mae gen i ffansi mynd i gapel pentecostal fy hun cyn hir. Ond dwi ddim yn gwybod am un ffordd acw.
Y worthies Cymraeg sy’n mynd i gapel Seilo yng Nghaernarfon. Barnu gwisg a char y naill a’r llall, medda nhw.

Hannah J 12 Mehefin 2013, 23:24

Gail Bach, Felinheli: mae yna Eglwys Bentecostal ym Mangor Uchaf (Ffordd y Tywysogion – ger stiwdio’r BBC) sy’n cyfarfod bob bore Sul am 10.30 o’r gloch. Eglwys lewyrchus aml-hiliol, gyda thua hanner y gynulleidfa wedi’u geni dramor. Amryw o Gymry Cymraeg rhugl yn aelodau. Un pregethwr neilltuol o wych, sef g^wr o Zambia yn wreiddiol.
Cyfle am iachau (llawer wedi cael iachad gan Dduw!); proffwydoliaethau; emynau ardderchog (ee, Dyma Gariad fel y Moroedd, sy’n un o’r ffefrynnau); a phaned o de a sgwrs ar y diwedd, gyda chinio i’r tlodion ac unrhyw un arall.
Yn bendant ddim yn ‘boring’!

Ron 13 Mehefin 2013, 09:54

Cytuno, Colyn. Crefydd y curo dwylo a bangio traed yn hytrach na myfyrio a meddwl. Y pwyslais ar wybod i bawb a phopeth wybod mor ‘hapus’ (sori, ‘HAPPY!!!’) ydach chi beunydd beunos, heb ystyried y gwahaniaeth rhwng hynny â llawenydd/bodlonrwydd. Crefydd lle mae’r emosiwn yn cael ei ddyrchafu dros y deall, y gydwybod a’r dyletswydd. Crefydd ysgol feithrin. Ac mae’n siŵr nad ydi’r llefydd hynny’n ‘boring’ chwaith. Ond mae rhagor i fywyd na dianc oddi wrth ‘boredom’, siawns? Dim ond pobl ddwl sy’n mynd yn ‘bored’ am nad ydi popeth yn llawn llun a lliw a phan fo eisiau defnyddio chydig mwy ar y pen.

G M Hughes 13 Mehefin 2013, 10:27

Os medraf godi yn y bore …ar ôl nos Sadwrn wyllt!
Ond o ddifri’, dwi wedi bod yn meddwl. Dydi capeli arferol ddim yn ennyn fawr o ymateb pigog, ffyrnig oddi wrth y di-grefydd a’r seciwlar. Ond mae’r efengylwyr a’r pentecostals. Hm, diddorol.

Ron 13 Mehefin 2013, 10:39

Ond mae dilynwyr Islam yn ennyn yr ymateb hwnnw ar y wefan hin, ti’n feddwl? Ydyn. Ond nid gan y digrefydd na’r seciwlar.

Ron 13 Mehefin 2013, 10:40

Ond mae dilynwyr Islam yn ennyn yr ymateb hwnnw ar y wefan hon, ti’n feddwl? Ydyn. Ond nid gan y digrefydd na’r seciwlar.

Colyn 13 Mehefin 2013, 16:50

Hannah J. “yn parchu ac yn gwrando ar Dduw”? Pryd glywis ti Duw yn siarad? Dywedodd y Parchedig R S Thomas ei fod o’n siarad efo fo am ddegawdau a chlywodd o ddim smic yn ôl. ‘Screaming inaudibly into the abyss’ oedd ei brofiad o.

Hannah J 14 Mehefin 2013, 00:17

Mae Duw yn siarad trwy adnodau’r Beibl a thrwy broffwydi unigol.

Colyn 15 Mehefin 2013, 23:33

Ga i enw proffwyd unigol gen ti Hannah?

Mae’r sylwadau wedi cau.

Carcharu Islamiaid am drefnu ymosodiad terfysgol

Y chwech wedi bwriadu ymosod ar rali’r EDL yng Ngogledd Swydd Efrog

Poblogaidd

← Stori flaenorol

Stori nesaf →

Hefyd →

29 sylw