Bill Roache
Mae’r actor Bill Roache wedi ei gyhuddo o ddau achos o dreisio merch 15 oed ym 1967, meddai Heddlu Sir Gaerhirfryn.
Cafodd yr actor 81 oed, sy’n chwarae Ken Barlow yn Coronation Street, ei arestio yn ei gartref yn Wilmslow, yn Sir Gaer ddoe.
Dywed Heddlu Sir Gaerhirfryn bod yr actor wedi ei gyhuddo yn dilyn ymgynghoriad gyda Gwasanaeth Erlyn y Goron.
Rhywbeth i’w ystyried: does dim safbwynt gennyf ar euogrwydd neu ddiniweidrwydd Roach; fydd y llysoedd yn dod i farn ar hynny, ond oes gwir tegwch yn y sustem cyfiawnder pan fydd dynion yn eu 80au yn cael eu harestio am droseddau honedig wnaeth ddigwydd 40 neu 50 mlynedd yn ôl?
Mae’r wraig dan sylw yn ei 60au. Mae hi wedi cael 46 o flynyddoedd i wneud cyhuddiad o dreisio. Sut mae modd i Roach amddiffyn ei hun wedi gymaint o amser? Efallai bod angen cael comisiwn i edrych ar hyn.
