Mae sefydliad newydd yn cael ei sefydlu gyda’r nod o atal pandemigau yn y dyfodol.
Bydd Asiantaeth Diogelwch Iechyd y Deyrnas Unedig (UKSA) yn lansio ar 1 Ebrill, yn ôl yr Ysgrifennydd Iechyd Matt Hancock.
Dywedodd wrth sesiwn friffio a gynhaliwyd gan y Gymdeithas Llywodraeth Leol fod yn rhaid i UKSA gynllunio, bod yn rhaid iddi atal, ymateb a bod yn barod.
“Bydd UKSA yn gweithio gyda phartneriaid ledled y byd ac yn arwain cyfraniad byd-eang y Deyrnas Unedig at ymchwil diogelwch iechyd,” meddai.
“Nesaf, bydd UKSA yn cael y dasg o atal bygythiadau allanol i iechyd, gan ddefnyddio’r potensial dadansoddol a genomeg ar glefydau heintus… at ei gilydd, gan helpu i amddiffyn iechyd y genedl.
“Hyd yn oed ar ôl blynyddoedd heb fygythiad mawr i iechyd y cyhoedd, rhaid i UKSA fod yn barod, nid yn unig i wneud y wyddoniaeth, ond i ymateb ar gyflymder anghredadwy.”
Dywedodd y bydd yr asiantaeth yn llogi’r “tîm gorau bosib o bob cwr o’r byd” ac y bydd yn cael ei harwain gan y dirprwy brif swyddog meddygol, Dr Jenny Harries, fydd yn brif weithredwr ar yr asiantaeth
Ychwanegodd: “Nid asiantaeth yn unig yw hon, ei gwaith yw darparu arweinyddiaeth broffesiynol yma a ledled y byd.”
Mae UKSA yn cymryd lle’r Sefydliad Cenedlaethol dros Ddiogelu Iechyd.
