Mae’r Gweinidog Iechyd, Vaughan Gething, wedi cadarnhau fod 127 achos o’r coronafeirws ymysg staff a phreswylwyr cartrefi gofal yng Nghymru hyd at Hydref 4.
“Mae’r data diweddaraf yn dangos, gyfanswm o 127 o achosion ar draws staff a thrigolion yma yng Nghymru, hyd at yr wythnos a ddaeth i ben ar Hydref 4,” meddai.
“Gyda dros 1000 o gartrefi gofal yng Nghymru, mae hynny’n rhoi cyfradd o 0.7% i ni.”
Nid oedd modd i Vaughan Gething roi gwybod faint o gartrefi gofal sydd wedi eu heffeithio.
Er i gartrefi gofal gael ailagor ar gyfer ymweliadau tu mewn ar Awst 28, ers i reolau coronafeirws newydd ddod i rym yng Nghymru mae gofyn i bobol beidio ag ymweld â chartrefi gofal oni bai am ymweliadau diwedd oes.
