Mae AS Llafur wedi cael ei gorchymyn i adael Tŷ’r Cyffredin ar ôl gwrthod tynnu honiadau yn ôl bod Boris Johnson wedi “dweud celwydd wrth y Tŷ a’r wlad drosodd a throsodd”.
Cafodd Dawn Butler, sy’n cynrhychioli Brent Canolog, ei gorchymyn i adael y siambr gan y Dirprwy Lefarydd dros dro, Judith Cummins.
“Mae pobl dlawd yn ein gwlad wedi colli eu bywydau oherwydd bod y Prif Weinidog wedi treulio’r 18 mis diwethaf yn camarwain y Tŷ hwn a’r wlad drosodd a throsodd,” meddai’r AS.
The moment Labour MP Dawn Butler asked to leave House of Commons after refusing to withdraw claims PM Boris Johnson "lied to the House and the country over and over again"https://t.co/Gb8EbCty4l pic.twitter.com/Tbd4X5QKOo
— BBC Politics (@BBCPolitics) July 22, 2021
Mae cyhuddo aelod arall o’r Senedd yn mynd yn erbyn arferion a rheolau Tŷ’r Cyffredin.
Tynnodd Dawn Butler sylw at honiadau dadleuol a wnaed gan y Prif Weinidog, gan gynnwys bod y cysylltiad rhwng Covid-19 a chlefyd difrifol a marwolaeth wedi ei dorri.
Fe ychwanegodd “Mae’n beryglus dweud celwyddau mewn pandemig ac rwy’n siomedig nad yw’r Prif Weinidog wedi dod i’r Tŷ hwn i gywiro ei hun a chyfaddef ei fod wedi dweud celwydd drosodd a throsodd.”
Fel y Dirprwy Lefarydd dros i Ms Butler bwyllo a myfyrio ar ei cyhuddiad gan roi cyfle iddi ymateb.
Ychwanegodd Dawn Butler: “Ar ddiwedd y dydd mae’r Prif Weinidog wedi dweud celwydd wrth y Tŷ hwn droeon.”
“Rydw i wedi myfyrio ar fy ngeiriau ac mae angen i rywun ddweud y gwir yn y Tŷ hwn bod y Prif Weinidog wedi dweud celwydd.”
Cafodd Dawn Butler ei hatal rhag dychwelyd i’r siambr am weddill y dydd.
