Mae Plaid Cymru’n chwilio am brif weithredwr i arwain eu gweithwyr a “gyrru twf a datblygiad y blaid.”
Yn ddiweddar, cafoddd y blaid ei beirniadu gan y sylwebydd gwleidyddol, Richard Wyn Jones, ynghylch eu trefniadau a’u hymgyrchoedd.
Mewn darn diweddar i gylchgrawn Barn, disgrifiodd Richard Wyn Jones ganlyniadau etholiad Senedd Cymru i’r blaid fel “embaras ac yn siop siafins”.
Ychwanegodd fod y Blaid wedi ei chael hi’n “anodd” codi cwestiynau caled am ei hun dros y degawd diwethaf.
? Looking for a new challenge?
? Plaid Cymru is looking for an exceptional person to appoint as Chief Executive – to lead the party’s staff team and to drive the party’s growth and development.
? https://t.co/mlZxUiDtG7 pic.twitter.com/hLlPkkwTuY
— Plaid Cymru ??????? (@Plaid_Cymru) June 4, 2021
Fodd bynnag, fe wnaeth cyn-arweinydd y Blaid, Dafydd Wigley, herio sylwadau Richard Wyn Jones gan ddweud wrth golwg360 fod Plaid Cymru wedi “dysgu llawer iawn” o’i methiannau a’i llwyddiannau etholaethol.”
Bydd disgwyl i’r Prif Weithredwr chwarae rhan hanfodol wrth lywodraethu a rheoli’r blaid.
Yn ogystal bydd y Prif Weithredwr yn ganolog ar gyfer cyfathrebu gydag aelodau, canghennau, etholaethau ac adrannau, a grŵpiau etholedig y Blaid yn y Senedd ac yn San Steffan.
Yn ôl y swydd ddisgrifiad “bydd y Prif Weithredwr yn sicrhau bod strategaethau a strwythurau priodol mewn lle i sbarduno twf y blaid – drwy ehangu aelodaeth a datblygu cefnogaeth a chydweithrediad gan grŵpiau a sectorau o gymdeithas yng Nghymru”.
