Mae bachgen tair oed wedi marw mewn digwyddiad ar fferm yn Sir Benfro.
Cafodd y gwasanaethau brys eu galw i ddigwydd yn ardal Clunderwen neithiwr (3 Awst) wedi adroddiad am wrthdrawiad rhwng plentyn a cherbyd.
Bu farw’r bachgen yn y fan a’r lle, ac mae Heddlu Dyfed-Powys wedi cadarnhau na chafodd neb arall eu hanafu.
Tristwch
“Cafodd heddlu Dyfed-Powys eu galw i wrthdrawiad rhwng cerbyd a phlentyn ar eiddo preifat yn ardal Clunderwen tua 7yh ddydd Mawrth, Awst 3,” meddai’r heddlu mewn datganiad.
“Yn drist iawn, bu farw bachgen tair oed yn y fan a’r lle.
“Mae ymchwiliad i amgylchiadau’r digwyddiad wedi dechrau, ac mae’r teulu’n cael cefnogaeth gan swyddogion arbennig.
“Mae’r Gweithgor Iechyd a Diogelwch, a’r crwner, wedi cael gwybod.”
