Mae Heddlu De Cymru yn chwilio am ladron arfog sydd wedi dwyn gwerth cannoedd o bunnau o win o sio yn y Sgeti yn Abertawe.
Cafodd y siopwr yn Dylan’s Wine Merchants ei fygwth efo gwn gan ddau ddyn wnaeth ddianc efo’r gwin yn fan y siop.
Daethpwyd o hyd i’r fan Renault lliw arian efo ‘Dylan’s Wine Merchants” arno awr yn ddiweddarach yn Briar Dene.
Mae’r lleidr arfog yn cael ei ddisgrifio fel dyn o daldra a maint cymhedrol ac mae’r lleidr arall yn cael ei ddisgrifio fel dyn ychydig yn dalach ond yn denau.
Roedd y ddau yn gwisgo dillad fflworolau pan ddigwyddodd y lladrad.
Dywedodd y Ditectif Brif Arolygydd Steve Benson-Davison nad oedd y siopwr wedi cael ei anafu er ei fod wedi dychryn yn arw.
“Rydyn angen help y cyhoedd i ddod o hyd i’r lladron,”meddai “ ac rydym yn gofyn i unrhyw un welodd unrhyw beth amheus pa mor bynnag ddi-nôd, i gysylltu efo ni yn syth.
Gellir cysylltu efo’r heddlu trwy ffonio 101 neu yn ddi-enw trwy Taclo’r Tacle ar 0800 555 111.
