Cynulliad yn trafod y Cyfrifiad

‘Angen creu mwy o ddefnydd o’r Gymraeg mewn technoleg a chyfryngau cymdeithasol’

9 Ionawr 2013

Bu Aelodau’r Cynulliad yn trafod canlyniadau siomedig y Cyfrifiad ynghylch yr iaith Gymraeg yn y Senedd heddiw.

Dywedodd Leighton Andrews AC ei fod yn cydnabod bod problem ond bod y Llywodraeth wedi dangos llawer o gefnogaeth i’r Gymraeg yn y blynyddoedd diwethaf trwy basio’r mesur Cymraeg newydd yn 2011, sefydlu Comisiynydd y Gymraeg a strategaeth Gymraeg newydd i’r Llywodraeth.

Aeth ymlaen i ddweud bod llawer o resymau i ddathlu hefyd:

“Mae’r twf mewn addysg cyfrwng Cymraeg, ynghyd â grwpiau fel mudiad meithrin wedi galluogi miloedd lawer o bobl ifanc a phlant i ddysgu Cymraeg,” meddai.

Ond ychwanegodd bod angen syniadau eang a chreu mwy o ddefnydd o’r Gymraeg mewn technoleg a chyfryngau cymdeithasol.

Dywedodd Simon Thomas o Blaid Cymru ei bod hi’n anhygoel bod y Gymraeg wedi goresgyn a bod angen cofio am y llwyddiannau hefyd, nid canolbwyntio ar y pryderon am ei dyfodol yn unig.

Aeth ymlaen i longyfarch dysgwyr fel Leanne Wood a David Melding sy’n defnyddio’r Gymraeg yn y Cynulliad.

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Asiantaeth y Swyddfa Brisio

Arolygydd Eiddo – Siaradwr Cymraeg

Prifysgol Bangor

Is-ddatblygwr Meddalwedd

Menter Iaith Conwy

Swyddog Ardal Wledig (Dyffryn Conwy)

8 sylw

John Griffith 9 Ionawr 2013, 22:05

“Cynulliad yn trafod y Cyfrifiad” – yn Saesneg siŵr o fod.

lleuadlawn 9 Ionawr 2013, 22:47

Oce, iawn, dim byd yn bod ar gynyddu gweithgareddau digidol ar lein, ond angen mwy o amrywiaeth! Fedrwn ni ddim dibynnu a rhoi dyfodol yr iaith yn nwylo Facebook a Twitter…. Angen buddsoddi a ehangu gweithgareddau’r mentrau iaith a’r Urdd. De ni angen dyblu’r swyddogion ymhob ardal! Maent yn gwneud gwaith arbennig ar hyn o bryd, ond mae angen lot lot mwy o fuddsoddiad.

Ben 10 Ionawr 2013, 02:26

DUW DUW! Ydyn nhw’n ddall? Neu’n esgus bod? Y broblem yw hon- mewnlifiad. Mae’n flin ’da fi, mae fy mam yng nghyfraith, mam fy mamgu a thadcu yn dod yn o loegr a mae rhai o fy nheulu yn byw yno ond duw annwyl yr unig reswm bod y canrannau’n gostwng yw o achos y mewnlifiad! Mae hynny wedi bod yn dueddiad cymdeithasol ers y 1980au

Neil 10 Ionawr 2013, 08:56

Dim ond gofyn, ond pa iaith y mae’r plant yn ei siarad yng ngweithgareddau’r urdd? A yw’r digymraeg yn cael eu hatal rhag mynychu?
Yn yr ardal hon Saesneg yw’r iaith y mae’r Cymry Cymraeg yn ei defnyddio fel cyfrwng cyfathrebu. Rydwi wedi gofyn i arweinyddion aelwydydd ac maent yn dweud eu bod yn gorfod gwthio’r plant yn barhaus i ddefnyddio’r Gymraeg – eu bwlio bron.
Felly nid yw taflu mwy o arian at hen sefydliadau yn debygol o ddatrys y broblem hon. Mae angen syniadau ffres a radicalaidd- fel pan sefydlwyd yr Urdd yn y dechreuad.

Philippe Moseley 10 Ionawr 2013, 10:53

Mae mewnlifiad yn broblem efalai mewn rhannau o’r gogledd a’r gorllewin ond nid hwn yw prif broblem yr iaieth. Mae hi’n gyfleus beio tramorwyr ond rhaid cydnabod mai’r Cymry Cymraeg sydd ar fai yma hefyd, wrth iddynt fethu a defnyddio’r iaith a’i dysgu i’w plant eu hunain. Rwy’n siwr fod llawer ohonom a chymdeithasau sydd wedi colli’r iaith. Mae’r ffigyrau yn dangos fod hyn yn broblem yn y de-orllewin yn enwedig. Rhaid ymroi hefyd i ddelio a sefyllfa trychineubus y cyfryngau yng Nghymru. Rhaid i’r iaith fod yn gryf yn y byd modern – mae cyfryngau yn fwyfwy pwysig yn ein bywydau.

Andrew 10 Ionawr 2013, 17:08

Mae hyn yn mynd i gymryd amser a dyfalbarhad. Mae ‘,na rieni di-Gymraeg (yn Gymry, Prydeinwyr eraill a thramorwyr) sy’n dewis addysg Gymraeg i’w plant- peth positif iawn sydd i’w ganmol a’i edmygu. Ond, yn anffodus, Saesneg (fel arfer) yw iaith yr aelwyd iddyn nhw. Gobeithio pan fydd y plant yma wedi tyfu a dod yn rieni eu hunain y bydd eu gallu nhw i siarad Cymraeg yn golygu fod yr iaith yn cael eu defnyddio y tu allan i’r ysgol hefyd.

Lionel 10 Ionawr 2013, 19:27

Mae rhai pobl angan cic anferth fyny eu tinau, gyda rhyw fath o ’name and shame’ Dwi’ n nabod rhywun sy’n gweithio fel swyddog i hyrwyddo Cymraeg i’r teulu ac Mae hyd yn oed hi’n siarad Saesneg a’i phlant ei hun!!

griddfan 14 Ionawr 2013, 15:50

@John Griffiths – a dweud y gwir, roedd bron y cwbl yn Gymraeg. Siaradodd Lianne Wood, Leighton Andrews a sawl dysgwr arall yn Gymraeg. Calonol iawn er gwaetha’r pwnc trist.

Mae’r sylwadau wedi cau.

Cynulliad yn trafod y Cyfrifiad

‘Angen creu mwy o ddefnydd o’r Gymraeg mewn technoleg a chyfryngau cymdeithasol’

Poblogaidd

← Stori flaenorol

Stori nesaf →

Hefyd →

8 sylw