Poblogaeth Cymru’n cynyddu

Yn ôl ffigyrau’r cyfrifiad diweddaraf a gafodd ei ryddhau bore ma, mae poblogaeth Cymru wedi mynd dros 3 miliwn.

Dywed swyddogion fod nifer y bobl sy’n byw yng Nghymru wedi cynyddu 5.3% i 3.06 miliwn o fewn degawd.

Hwn yw’r cynnydd mwyaf mewn unrhyw ddegawd ers 1921 a’r ffigwr uchaf erioed.

Mudo yw achos tua 90% o’r cynnydd – gan gynnwys pobl yn symud i Gymru o lefydd eraill ym Mhrydain.

Caerdydd yw’r awdurdod lleol mwyaf o hyd gyda phoblogaeth o 346,100 – cynnydd o 11.6% mewn deng mlynedd.

Cynyddodd poblogaeth pob un o ardaloedd cyngor sirol, ar wahân i Flaenau Gwent, a welodd gostyngiad o 0.3%.

11 sylw

CGT 16 Gorffennaf 2012, 13:26

A’r eliffant yn y gornel yw ………….?

Adam Jones 16 Gorffennaf 2012, 13:37

90% o’r cynnydd yn gynnydd o fewnfudo :/ angen deddf eiddo yng Nghymru, mae’n cymunedau yn enwedig y cymunedau Cymraeg yn cael eu llenwi gyda henoed sydd yn ymddeol nad oes ganddynt ddiddordeb yng Nghymru (nid bob un ond y mwyafrif llethol) niweidio’n hiaith a’n cymunedau. Nid bod yn rhagfarnllyd na hiliol yw hwn ond dweud y gwir plaen, y mae pawb arall yn ofn ei ddweud.

Mae mewnfudo yn naturiol ac yn iawn yn ei hun, ond os nad ydynt yn cymhathu neu’n integreiddio, nid mewnfudo ydyw wedyn ond coloneiddio.

Ioan 16 Gorffennaf 2012, 15:09

Ceredigion ond i fynu 0.7% – bosib iawn bydd y ganran o siaradwyr Cymraeg yn aros drost 50%. Stori wahanol iawn yn sir Gaerfyrddin.

Ben Screen 16 Gorffennaf 2012, 15:10

Cytuno 100% gydag Adam, mae pobl yn cyhuddo fi o fod yn hiliol, sydd yn ein rhwystro ni rhag cael trafodaeth hollbwysig ar y mater. Fe ddaw i benllanw cyn bo hir achos bod popeth yn bragu mewn crochan berw sydd ar fin ffrwydro. Mae mudo yn cael effaith andwyol ar ein cymunedau Cymraeg. Hefyd, lle mae’r Gymraeg wedi bod yn tyfu ni welir yr effeithiau o achos mewnfudo ysgubol, o ddwyrain Ewrop yn bennaf. Mae angen deddfrwriaeth i atal mewnfudo nawr, rhywbeth fel y ddeddf eiddo, ond y gwir yw bydd y Saeson na’r di-Gymraeg byth yn gadael iddi ddigwydd heb ffrae. Bydde rhywbeth fel ‘statws Bro’ fel y gaeltacht yn ddefnyddiol lle mae’r iaith yn cael ei hamddiffyn , lle mae’r nifer o bobl sydd yn symud i mewn yn cael ei gwtogi a’i wylio yn barhaus.

Guto 16 Gorffennaf 2012, 15:59

Dwi’n gweld trafferth wrth ymdrin â mewnfudo yn y cyd-destun economaidd yn unig – a does wybod pa mor wael fyddai’n economi ni heb fewnfudwyr gweithgar – ond ymddengys mai rhywbeth i lefties ydi diwylliant pan mae’n dod i fewnfudo. Mae disgwyl i bobl barchu diwylliant cynhenid a’i hybu yn amodol ar ddangos parch at eu diwylliant hwythau, a dod o hyd i ffyrdd o blethu gwahanol ddiwylliannau er lles pawb.

Hawdd dweud bod amlddiwylliant wedi methu: yn rhy aml, y rhai sy’n gwneud y cyhuddiad hwnnw yw’r rhai nad ydynt erioed wedi dymuno iddo lwyddo.

Dafydd 16 Gorffennaf 2012, 16:10

Petai llaw o fewnfudwyr a llai o fudd-daliadau yna byddai gwell
siap ar yr economi. Nid oes angen cymaint o fewnfudwyr os yw
cymaint o’r boblogaeth gynhenid yn ddi-waith. Simples. ‘Se
Cymru’n wlad annibynol…..tybed a fyddai hi’n gallu ymgartrefu
cymaint o rhai sydd ddim yn gweithio ac yn fwrn ar pob math o
wasanaethau? Mae cysylltiad yma gyda’r stori am Gymru yn medru
codi treth incwm ei hun.

Bendramwnwgl 16 Gorffennaf 2012, 23:54

Cytuno fod angen trafodaeth gall am fewnfudo heb orfod cyhuddo pobl o hiliaeth, yn enwedig o ystyried yr effeithiau ar ddyfodol yr iaith ond hefyd y gwasgedd ar ein gwasanaethau cyhoeddus.

Mae mewnfudo yn dod a manteision economaidd wrth gwrs, ond nid os yw’r rhan helaeth o’r rheini wedi ymddeol.

Stephen Mason 17 Gorffennaf 2012, 08:05

Ga i droi’r ddadl ar 360 ar ei phen 180. Beth os mae agwedd Cymry Cymraeg yw’r broblem i’r iaith ac nid ymfudo? Gawn ni ystyried y bosibilrwydd bod agweddau yn y broydd Cymraeg mor geidwadol a ddi-uchelgais nad oes dim gobaith i’n bobl ifainc aros yn ardaloedd eu mebyd? Gawn ni ystried taw caru arian yn lle cymuned yw problem sy gan lawer o Gymry’r fro Gymraeg gan gynnwys rhai ffermwyr a phobl sy’n rhedeg busnesau teulu bychain? Gawn ni ystyried taw, yn aml, y bobl waethaf wrth gefnogi’r Gymraeg yw Cymry Cymraeg ariangar sy’n elwa ar ‘dwristiaeth’ ein gwlad? Pe bai cymunedau ifanc yn gallu bodoli yng Nghymru byddai’n gryfach o lawer ac yn gallu gwrthod dylanwadau diwylliannol o du fas. Heb foncyff gryf i oroesi’r gwynt beth yw’r pwynt cwyno am yr adar bychain yn pigo ar ein ffrwyth?

Guto 17 Gorffennaf 2012, 09:09

Pwyntiau dilys iawn, Steffan, ac mi fuaswn i’n ychwanegu pesimistiaeth ofnadwy at y geidwadaeth, y diffyg uchelgais a’r agwedd ‘yes sir no sir three bags full sir’ pan fydd Saeson cefnog yn chwifio’u pres.

Ben Screen 17 Gorffennaf 2012, 12:47

Mae allfudo yn broblem ac mae’r ‘tren ymennydd’ yn rhan fawr o’r broblem ond mudo i Gymru yw’r broblem enbytaf yn anffodus. Un allan, Deg i mewn.

Stephen Mason 17 Gorffennaf 2012, 23:57

Pessimistaidd neu realaidd Guto? Sdim pwynt anwybyddu’r gwir os mae gobaith ei guro. Mae gobaith gen i bydd pethau yn gwella dros yr ugain mlynedd nesaf. Ond dim ond wrth wynebu realedd.

Mae’r sylwadau wedi cau.

Poblogaeth Cymru’n cynyddu

Nifer y bobl sy’n byw yng Nghymru wedi cynyddu 5.3% i 3.06 miliwn o fewn degawd

Poblogaidd

Swyddi

Arolygydd Eiddo – Siaradwr Cymraeg

Is-ddatblygwr Meddalwedd

Pennaeth Cwynion Gwasanaethau Cyhoeddus

Cynhyrchydd Cynnwys Digidol

Swyddog Ardal Wledig (Dyffryn Conwy)

Comisiynwyr/ Aelodau Bwrdd i Gomisiwn Dylunio Cymru

← Stori flaenorol

Egluro dryswch Ffordd Penrhyn yn y Barri

Stori nesaf →

BBC yn talu £16 miliwn am enwau mawr

Hefyd →

Tynnu Plas Tan-y-Bwlch oddi ar y farchnad agored am gyfnod

11 sylw