Y Cymry cynhenid ydi’r ‘Prydeinwyr puraf’

Gareth 17 Mehefin 2012, 15:55

Wel DUH – does dim angen gwybod lot o hanes i fod yn gwybod hyn eisoes. Y Traddodiad Barddol anyone?!

‘Dywed yr Athro Donnelly nad yw’n glir pam bod proffil geneteg y Cymry a thrigolion Cernyw mor gryf ac mor debyg hefyd i broffil trigolion Iwerddon a Ffrainc.’ Drwg gwyddonwyr yw meddwl eu bod uwchlaw astudio hanes. Ni fyddai’r gwr hwn yn arddangos y fath dwpdra pe byddai. Mae disgyblion Cymraeg Lefel A yn fwy goleuedig yn ei faes neg ef ei hunan!

Osian 17 Mehefin 2012, 18:33

Oes ots?

Hirben 17 Mehefin 2012, 20:47

Rwy’n cofio athrawes yn yr ysgol gynradd yn dweud wrthom fod y Cymru yn ddisgynyddion yr hen Frythoniaid a symudodd i’r gorllewin eithaf wedi dyfodiad yr Eingl Sacsoniaid. gwybodaeth gyffredinol yw hyn- nid newyddion!!

Stephen Mason 18 Mehefin 2012, 00:50

Peth call yw defnyddio’r gair ‘pur’ wrth drafod ‘hil’? Fel arfer – na (hyd yn oed o ran ymchwil meddygol).

Y Prydeinwyr ‘hynaf’ yn well falle?

Adam Jones 18 Mehefin 2012, 01:42

Cytuno gyda Steffan, does dim siwt beth â phur mewn geneteg, ymylu ar fod yn Natsiaidd ei ddisgrifiad bron, gallwn gydymdeimlo felly gyda sylwadau Osian, oes gwir ots? Yr hyn mae dyn yn teimlo ei hun sydd yn ei ddiffinio fel person ac nid y gwaed sydd yn llifo drwy’i wythiennau, iawn mae hyn yn profi bod na gynsail i gerddi Aneurin a Thaliesin, yr hen Ogledd a phroffwydoliaethau ‘Drych y prif oesoedd’ ac ati ond mowredd roeddwn ni’n gwybod hynny ta beth.

Llwybr peryglus iawn yw ceisio dadlau unrhyw beth ar sail eich hil…. a dwi ddim am weld neb yn troedio’r llwybr hwnnw!

Andrew 18 Mehefin 2012, 10:36

Yn ogystal, mae’n debyg yn ol ymchwil mwy diweddar mai dim ond ryw 5% o’r boblogaeth sydd o dras Eingl-Sacsonaidd. Mae’r rhan fwyaf o’r rhai sydd yn galw eu hunain yn Saeson yn ddisgynyddion i’r Brythoniaid hynny a wnaeth ddod o dan ddylanwad y mewnfudwyr Sacsonaidd ac a wnaeth fabwysiadu eu ffyrdd.

Gwynn Hefin 18 Mehefin 2012, 11:58

Newyddion da ein bod yn perthyn i’r Cernywiaid a’r Gwyddelod. Beth sydd o’i le mewn ymhyfrydu yn ein purdeb hiliol os nad yw hynny’n sathru ar unrhyw un arall?

Gareth 18 Mehefin 2012, 16:57

Cof Cenedl – rhywbeth mae’r trendy lefties ar frys i’w wadu, sef yr union beth sydd wedi ein cadw yn Gymry, yn wahanol i’r 95% o Saeson mae Adam Jones yn son amdanynt (bradwyr y canrifoedd pell yn ol, wnaeth adael i’w Cof fynd).

Peidiwch BYTH ag anghofio Brad y Cyllyll Hirion.

Gareth 18 Mehefin 2012, 16:58

Andrew nid Adam, mae’n ddrwg gen i.

Andrew 18 Mehefin 2012, 18:25

Yn y pen draw, fodd bynnag, pa mor bwysig yw hyn i gyd? Mae fy nheulu wedi bod yn Gymry ers 4-5 cenhedlaeth o leiaf, ond y tu hwnt i hynny, ’does gen i ddim syniad beth oeddem ni. Beth sy’n bwysig yw beth ydym ni nawr a’n teimladau ni tuag at y wlad yr ydym ni’n galw’n gartre’ (’dyw Cymru ddim gwell na gwaeth na unrhyw wlad arall, ond fydden i ddim eisiau bod yn unrhyw beth arall ond Cymro).

Gareth 18 Mehefin 2012, 19:25

Mae YN bwysig. Mae gwybod mai ni oedd yma gyntaf, i weddill y Tiroedd Coll gael eu cipio oddi arnom ni, a bod yn awr Gymru ei hun hyd yn oed dan eu bygythiad nhw, yn rhan gwbl greiddiol o’r ymwybyddiaeth Gymreig. Heb yr ymwybyddiaeth hon – y Cof, a drosglwyddwyd dros genedlaethau o ddim grym sifig o fath yn y byd – fyddai’r Cymry ddim wedi parhau yn genedl. Yn sicr fyddai’r iaith Gymraeg ddim. Nid peth hawdd oedd parhau i fod yn Gymry dros y cenedlaethau hynny a throdd sawl un eu côt, ond mae gwadu ysbrydoliaeth y rhai fynnodd gofio yn awgrymu bod ein hynafiaid yn “waeth” na ni, a defnyddio eich terminoleg. Yn sicr doedden nhw ddim gan mai nhw sy’n goleuo ein llwybr ni ac wedi trosglwyddo’r Cof inni.

Andrew 18 Mehefin 2012, 23:08

Rwy’n gweld dy bwynt ti, Gareth, yn enwedig gyda’r iaith, ond mae eisiau cofio fod yna lawer o Gymry heddiw sydd ddim yn ran o’r diwylliant yr wyt ti’n ei son amdano- rhywun fel Ali Yassine, sy’n gwneud y cyhoeddiadau yng nghlwb peldroed Caerdydd ymhlith pethau eraill, ond sydd o gefndir hollol di-Gymreig, neu drigolion y Cymoedd sydd a chyfenwau Seisnig (neu o dramor) ond sydd yn ystyried eu hunain mor Gymreig (os nad Cymraeg) ag unrhyw un. Dyma’r Gymru fodern a’r Cymry modern ac mae eisiau i ni gyd symud ymlaen gyda’n gilydd (ac os y gallwn ni wneud hynny drwy gyfrwng y Gymraeg, gwell fyth).

irfon 19 Mehefin 2012, 06:09

Gormod o sbio’n ol. Typical Cymru. Y presennol sy’n bwysig. Bedi’r ots be ddigwyddodd ganrifoedd yn ol? Diddorol mewn pasio falla- ond tydi o dim yn wirioneddol berthnasol bellach. Da ni’n obsesd hefo ni’n hunan ac yn canolbwyntio gormod ar gasau’r ‘Saeson’.

Iwan Rhys 19 Mehefin 2012, 07:09

Cytuno gydag Andrew uchod. Gallai ymhyfrydu yn fy mhurdeb hiliol (gan fod fy nau dad-cu a fy nwy fam-gu yn Gymry o’r un ardal) fy arwain i feddwl fy mod yn fwy o Gymro, neu’n well Cymro, nag yw fy ngwraig, er enghraifft, a anwyd yn Lloegr ac sydd ag un rhiant o Gymru a’r llall o Loegr. Nonsens llwyr fyddai hynny wrth gwrs – mae hithau’n gymaint o Gymraes ag ydw innau o Gymro. A byddai hynny’r un mor wir hyd yn oed petai ei mam yn Saesnes.

Yn wahanol i hil a DNA, mae’n bosib i bobl ddatblygu ymdeimlad o Gymreictod, ac o berthyn i genedl Cymru, naill ai’n uniongyrchol eu hunain neu’n bendant o fewn un genhedlaeth.

Gareth 19 Mehefin 2012, 10:27

Diddorol, Andrew. Mae eich negeseuon chi wastad yn werth eu darllen, ac er ein bod yn anghytuno ynghylch ambell beth mae gennyf barch i’ch safbwyntiau.

Mae’n ddiddorol i mi’r tro hwn eich bod yn sôn am Ali Yassine er enghraifft. Mae gennyf barch mawr iawn ato yntau, ond nid dim ond am y ffaith ei fod wedi dod at ein diwylliant a’n hiaith ni, ond am ei fod hefyd yn dangos parch amlwg at ddiwylliant ei gyndeidiau ei hun a phwy ydyw yn hynny o beth. Mae wedi bod ar y cyfryngau droeon yn sôn am ei ddiwylliant teuluol a’i grefydd, ac yn ddiweddar iawn, roedd ei ddwy ferch ar raglen Gymraeg yn sôn am eu credoau hwy fel Mwslemiaid. Nid oedd hyn yn hawdd; roeddent wyneb yn wyneb â merch o’r un oed oedd yn holi cwestiwn emosiynol anodd iawn iddynt gan ei bod yn eu holi lle roedd enaid ei thad ei hun wedi iddo farw, ac ar ben hyn, gyda chriw teledu yn eu hamgylchynu. Er hyn, ni wnaeth y merched betruso dim rhag dweud yn syml eu cred draddodiadol hwy – y gred a basiwyd iddynt drwy’r cenedlaethau – fod unrhyw un nad yw’n Fwslim yn rhwym o fynd i uffern. Ni wnaethant lastwreiddio dim ar yr hyn roeddent yn ei gredu er mwyn plesio eraill, er mwyn bod yn gynhwysol. Dyma eu cred hwy, a dyma gred eu hynafiaid, ac nid oeddent am ei gwadu hi a, thrwy hynny, wadu a sarhau y rhai a’i trosglwyddodd iddynt. Gallaf barchu hyn – yn wir, rwy YN parchu hyn. Ac yn ei edmygu yn fawr iawn. Y gofid mawr i mi yw na fyddai mwy o blant Cymru yn debycach i’r ddwy ferch ddewr yma. Fel an-Fwslim, nid oeddwn i’n gweld chwith am eu bod nhw yn arddel eu credoau, ac nid wyf yn tybio am funud y byddai’r mwyafrif helaeth yn gweld chwith petaem ninnau’n fwy balch o pwy ydym ac yn mynnu cadw ein Cof ychwaith. A dweud y gwir, does ganddo ddim oll i’w wneud a hwy. Nid adlewyrchiad ohonynt hwy ydyw, ond balchder o’n cefndir ni ein hunain a styfnigrwydd i beidio ag anghofio ac felly ddiraddio’r dioddefaint a brofodd ein cyndeiidiau. Ein meddylfryd taeog/israddol ni’n hunain sy’n gwneud i ni ofni y byddai pobl yn gweld chwith, a dim arall.

Ni allaf ateb neges Iwan Rhys: mae wedi mynd o’r cyffredinol i’r personol. Ond eto, nid wyf yn gweld dadl sy’n fy argyhoeddi fod gwerth i ni golli ein Cof yn yr hyn mae’n ddweud.

‘Yr’ ‘unig’ ‘rai’ ‘rwy’n’ ‘teimlo’ ’dirmyg’ ‘llwyr’ ‘tuag’ ‘atynt’ ‘yw’ ‘rhai’ ‘fel’ ‘irfon’ ‘uchod’. Cywilydd arno am ddefnyddio’r enw hwnnw. Richard John Davies fyddai’n well.

Gareth 19 Mehefin 2012, 10:32

– Neu Wrtheyrn. Neu Fochyn Mon/Anglesonian.

irfon 19 Mehefin 2012, 11:51

pleser siarad a chi Gareth. Gobeithio fyddwch chi a’ch botwm bol diwylliedig yn hapus.

Tu Hwnt 19 Mehefin 2012, 12:00

Gareth – gweld eich pwynt, ond ai “Y Cof” yw’r union beth sy’n gyfrifol am wahanu y “ni” rhag “y nhw”, ac o ganlyniad sydd wedi achosi canrifoedd o ryfela ac ymladd? O ogledd Iwerddon i Dde Gwlad Thai i’r Ail Ryfel Byd, gall bron pob un enghraifft o wrthdaro gael ei olrhain i’r syniad fod un ochr (“ni”) yn gweld eu hunain yn dra gwahanol i’r llall (“y nhw”).

Nid fod cadw a diogelu ein traddodiadau a’n credoau o hyd yn beth gwael wrth gwrs. Dwi’n cytuno fod angen diogelu os ydynt yn cyfrannu yn bositif tuag at ein byd, ond os mae’n rhywbeth sydd yn fygythiad i’n gallu i gydfyw ag eraill yna dwi’n gweld fod rhaid i bobl golli elfennau o’r Cof er mwyn budd pawb. Rydym eisioed wedi gweld hyn yng ngwledydd fel yr UDA, pan ddaeth priodasau rhwng dau hil gwahanol yn gyfreithlon am y tro cyntaf ym 1967. Dyma engrhaifft o resymeg yn ennill tros draddodiad.

Felly o ystyried hyn, onid yw creu byd mwy sefydlog a heddychlon weithiau yn ddigon o reswm i golli tameidiau o’n Cof, gan fod y Cof ddim o hyd gyfystyr a daioni?

irfon 19 Mehefin 2012, 12:05

Da iawn chi Tu Hwnt. Cytuno’n llwyr. Gormod o ‘us’ and ‘them’ o gempas y lle ’ma. ‘Da ni’ a’n ffrindia dros y ffin yn debygach i’n gilydd na fasa rhai yn licio cyfadda. A da iawn hynny.

Gareth 19 Mehefin 2012, 12:33

Nac ydyw neu byddwn yn llai na ni’n hunain.

Gareth 19 Mehefin 2012, 12:42

Mae’n ddrwg gen i, doedd hynny ddim yn ateb digon da.

Rhethreg asgell chwith ryngwladol weddol ddiweddar yw’r busnes ’dinesydd byd’ yma. Ni fydd yn llwyddiant nac yn cael ei wireddu ond mae perygl mawr ynddo oherwydd heb ymwybyddiaeth ddofn o hanes ni ellir bod yn gyfrifol. Gallwn wasanaethu heddiw yn well o gofio mwy am ein doe ac nid llai.

Yn sylfaenol, mae bod dynol yn greadur llwythol. Byddwn wastad yn gallu uniaethu ein hunain a rhyw grwp nac un arall. Yn yr ystyr hwnnw, mae y ‘ni’ a’r ‘nhw’, o ba bynnag fath, yn anochel. Y gyfrinach yw gallu parchu hynny, parchu’r gwahnaiaethau hefyd, yn hytrach nag anelu at i bawb fod yr un fath yn un mish-mash mawr. Achos lladd y lleiafrifoedd wnaiff hynny yn anochel – bydd y diwylliant mawr Engl-Americanaidd yn parhau.

Pawb i fod yn driw i’w genedl ei hun, ei thraddodiadau a’i hanes, gyda pharch, a byddai’n iawn. Mae’r anghofio ma’n gem beryglus.

Gareth 19 Mehefin 2012, 12:45

‘Irfon’ – dydw i ddim yn amau eich bod CHI’n debyg iawn i’r 95% o Saeson/cyn-Frythoniaid.

irfon 19 Mehefin 2012, 13:04

Diolch am dy wers hanas Gareth ond, besicli, waeth ti gyfadda ddim- ti jyst yn casau Saeson. A dwi ddim. A sgin i ddim cywilydd chwaith.

Tu Hwnt 19 Mehefin 2012, 13:34

Gareth – Dwi ddim yn gwerthfawrogi eich ton nawddoglyd “Doedd hynny ddim yn ateb digon da mae arnai ofn”. Dim ond ceisio rhoi safbwynt mwy cytbwys a rhesymegol a llai eithafol ydw i, dyna i gyd.

Mae eich honiad fod bodau dynol yn naturiol llwythol yn honiad enfawr i’w wneud, cymhleth ac anodd iawn i’w phrofi. Mae’ch honiad na fydd y syniad o fod yn ddinesydd byd yn mynd i lwyddo hefyd yn un dewr i’w wneud gan ei fod yn digwydd yn barod!

Nes i erioed son am “anghofio”, felly dwi ddim yn siwr lle y cawsoch chi y syniad hynny? Dwi wrth gwrs o blaid parchu ein traddodiadau lle mae hynny yn cyfrannu yn bositif. Mae’r iaith Gymraeg a’n diwylliant yn enghraifft wych o hyn. Un o’r prif resymau pam dwi’n hynod falch o fod yn Gymro yw oherwydd ein bod wedi dangos ein bod yn medru cydbwyso ein cenedlaetholdeb a’n gwladgarwch gyda rhesymeg. Hynny yw, trwy barhau a’r pethau hynny sydd yn dda (mae gormod o’r rhain i’w rhestru yn unigol) ond cydnabod pan mae hyn yn mynd gam yn rhy bell a pheidio caniatau trais. Rhinwedd y gall nifer o bobl treisgar a “llwythol” y byd ei ddysgu oddi wrthym ni efallai?

Ond mae’n amlwg fydd dim o’r uchod yn ddigon da i Gareth na’i “lwyth”.

Gareth 19 Mehefin 2012, 14:38

Son am fy ymateb cyntaf fy hun oeddwn i Tu Hwnt – roedd yn llawer rhy frysiog a ddim yn ddigon da. Mae’n ddrwg gen i am y gamddealltwriaeth.

Cofiwch hefyd bod hanes hir o genedlaetholdeb heddychol yng Nghymru – yn wahanol i Loegr. Un o’r nifer pethau rydym yn wahanol ynddynt, beth bynnag greda ambell Ddic Sion Dafydd (nid chi, eithr Irfon, sydd, yn amlwg iawn, o Fon).

irfon 19 Mehefin 2012, 14:44

‘Dwi ddim o ‘Fon’ acshiyli. Dim fod hynny’n arwyddocaol mewn unrhyw ffordd o sut fath o berson ydw i. Neu ddim. Dyma’r union fath o rwtch dwi’n wrthwynebu iddo. Mae yna bob math o wahanol bobol o bob man. We’re all the same man. Smell the goddam coffee.

Gareth 19 Mehefin 2012, 15:03

Na – mae gwahaniaethau. Fel roeddwn yn son uchod, roeddwn yn falch iawn pan welais y rhaglen gyda dwy ferch Ali Yassine yn dweud yn ddiflewynardafod y byddai rhywun sydd ddim yn Fwslim yn mynd i uffern wrth farw. Dwi ddim yn Fwslim. Eu cred nhw ydi mod i’n mynd i uffern. Da iawn nhw am ddweud hynny. Maent yn bod yn onest ac agored am eu credoau yn hytrach na’u cuddio tu ol i ddrysau caeedig. Yr unig ffordd y byddwn yr un fath yw os bydd pawb yn fodlon toddi mewn i’r diwylliant mawr Americanaidd. Y lleiafrifoedd fydd yn colli gyda’r meddylfryd hwn. Meddylfryd cyfangwbl wladychol ac ymerodraethol.

Mae ieithoedd gwahanol (heb son am ddiwylliannau gwahanol) yn wahanol ffenestri ar y byd. Nid un bydolwg sydd. Ond pa ddiben dadlau hynny efo rhywun sydd yn amlwg efo meddylfryd mor ‘ganolog’. Heb ein gwahaniaethau, beth sydd gennym i gynnig i weddill y byd? Beth ar y ddaear all fod yn ddiddorol yn hynny? Wrth gyfarfod rhywun o dramor, dwi eisiau gwybod am eu diwylliannau unigryw nhw nid am eu profiad cyffredin nhw a finnau o fynd i McDonalds!

A dysga idiomau yn dy iaith dy hun.

irfon 19 Mehefin 2012, 15:07

Ma gen i berffaith hawl i ddefnyddio unrhyw iaith liciwn i washi.

Tu Hwnt 19 Mehefin 2012, 15:29

Deall nawr, sori am y camddarlleniad.

Soniais yn gynharach i chi Gareth am sut mae meddylfryd llwythol yn creu gwrthdaro – ac o fewn tair awr rydym yn dechrau gweld hyn yn barod!

Er fod Irfon ddim o Fon, dwi’n siwr y byddai pobl eraill Sir Fon yn ddigon dig o weld eich sylwadau. Enghraifft ohonoch chi yn “parchu ein gwahaniaethau” yw hyn? Mae’r fath sylw yn perthyn i’r oes o’r blaen, yn ddi-sail ac yn ychwanegu dim owns o werth at drafodaeth synhwyrol. Siom, gan i mi weld fy hun yn cytuno gyda rhai o’ch pwyntiau blaenorol.

Hoffais eich pwynt blaenorol o barchu eraill sy’n wahanol i ni, ond yn anffodus dim ond ffasad oedd hun i guddio eich gwir natur a’ch obsesiwn gyda categoreiddio pobl i mewn i focsys. Bocsys sydd ddim yn bodoli y tu hwnt i’ch dychymyg chi eich hun.

Llwythol yn wir.

Tu Hwnt 19 Mehefin 2012, 15:38

Ers pryd awgrymodd unrhyw un ohonom am “doddi i mewn i’r diwylliant Eingl-Americanaidd”? Oes angen i mi gyfiawnhau mwy i chi am faint o falchder rwy’n ei deimlo o fod yn Gymro?

Rydw i’n ceisio cynnig barn gytbwys a rhesymol, dim ond i chi eu hymestyn a’u chwyddo y tu hwnt i ffiniau rheswm.

irfon 19 Mehefin 2012, 15:55

Falla mai rhoi gora iddi fasa’r peth gora.

Gareth 19 Mehefin 2012, 18:25

Wel, mae cefndir i enwau sy’n gysylltiedig a thrigolion broydd gwahanol, er enghraifft, ac mae’n rhan o’r diwylliant. Hefyd mae’n draddodiad (ymhob gwlad, am wn i, ond ni alla i ond son am fy ngwlad fy hun) i briodoli nodweddion i bobl gwahanol ardaloedd, Cardis, Maldwyn ac ati. Wrth gwrs nad ydynt yn wir am bob un wan jac sy’n byw o fewn ei ffiniau ond mae’r ffaith fod y traddodiad yn bod, wel, yn ddiymwad. Os oedd yn ddigon da i’n cyndeidiau, mae’n ddigon da i mi. Pam fod yn rhaid i ni ymddwyn fel nad oes dim wedi bod o’n blaenau, dim traddodiad (h.y. wedi ei draddodi) inni? I beth? Hunandwyll a hunandyb o’r radd flaenaf!

Ta waeth, meddylfryd llwythol yn creu gwrthdaro. Ond am genedl fach fel Cymru rydym yn son. Nid ydym mewn lle i ddefnyddio trais i ormesu neb debyg iawn – nid yw ein Cof ni yn peryglu neb arall, yn wahanol i’r cenhedloedd mawr ymerodraethol. Os ydym mewn cyfnod ol-drefedigaethol (dywedir wrthym), yna mae’n arwahanrwydd heddiw cyn bwysiced ag erioed. Ac eto mae mwy o berygl nag erioed, gredwn ni, fod rhai ohonom yn yr edefyn hwn yn synied amdanynt eu hunain fel Prydeinwyr yn fwy nag fel Cymru (o ran bod yn debyg i’r Saeson). Tebyg, ydym mewn rhai pethau, ond dim ond oherwydd canrifoedd o ormes ar yr hyn ddylai fod yn ddiwylliant hollol wahanol.

Gareth 19 Mehefin 2012, 18:30

Gyda llaw, sut mae hen hen syniadau Cymreig am wahanol ardaloedd yn eich barn chi yn waeth nag i ddwy ferch ifanc o Fwslemiaid ddweud wrth rhywun sy ddim yn Fwslim ei fod yn mynd i uffern? Dyna eu traddodiad nhw, dyma fy nhraddodiad i. Mae’n beth diwylliannol (gan gymryd am funud mai elfen ddiwylliannol yw crefydd – gwn y byddai rhai’n anghytuno ac mae hynny’n gwestiwn arall). Meddylfryd israddol y Cymry yw diraddio a gwneud sbort o elfennau o’n diwylliant ein hunain ond nid o rai neb arall. Rhag camddealltwriaeth eto, pwysleisiaf drachefn fy mod yn edmygu’r merched hynny am wneud safiad dros eu diwylliant neilltuol.

Yn ogystal, mi welwch fod ‘irfon’ yn ysgrifennu mewn tafodiaith ogledd orllewinol, all ond bod yn Fon neu Arfon, felly ddim yn gymaint a hynny o ddyfaliad!

irfon 20 Mehefin 2012, 06:21

Arfon via Llundain via Efrog Newydd a Chaergrawnt. Ond dwi ddim yn meddwl fod hyn yn berthnasol. Mae ’na bethau i’w edmygu ym mhob diwylliant. Sgen i ddim amser ‘chwaith i’r diwylliant McDonaldsaidd sy’n sathru bob elfen o unigrwydd yn ein bywydau- ond dwi wedi wirioneddol flino a’n obseshiwn ni a gorffennol ein hunain. Does dim angen anghofio wrth gwrs. Ond ma rhaid symud mlaen. Ac mae rhaid rhoi stop ar y gem wirion ’ma o ladd ar y Saeson bob pum munud. Mae Owain a Llewelyn wedi hen farw. Yn bersonol o’n i’n falch iawn o’i gweld nhw yn mynd trwadd yn yr Euro’s neithiwr- a ma pob ‘Cymro’ arall dwi’n nabod hefyd yn teimlo’r un fath.

Dafydd 20 Mehefin 2012, 06:29

Dyna hanner ein problem…..gormod o ‘lefties’ sydd eisiau ’diogelu’r’ byd……..ar draul Cymru fach.

irfon 20 Mehefin 2012, 06:43

Yn anffodus Dafydd mae rhaid gwynebu’r ffaith fod ’na bethau pwysicach yn y byd ’na hyd yn oed ein ‘Cymru fach’.

Tu Hwnt 20 Mehefin 2012, 10:24

Mae’r term “lefties” yn gwanhau eich pwynt Dafydd. Oni bai eich bod yn gweld sarhau pobl sy’n anghytuno gyda chi trwy eu segmentio i gyd fel “lefties” yn cyfrannu at ddadl aeddfed?

Dwi’n ystyried fy safbwynt yn un canolig a rhesymegol, dwi ddim yma i gymeryd “ochrau”.

Ond gyda saib o ochenaid, gwelaf yn glir fod yr elfen “llwythol” yn dal i fodoli’n go gryf yn rhai ohonom!

Gareth 20 Mehefin 2012, 17:59

Tu Hwnt, sydd uwchlaw unrhyw safbwynt! Erioed wedi digwydd o’r blaen yn hanes athroniaeth y byd, ond atolwg, mae’n diwgydd yn awr ar Golwg 360!! Rydych mor rhagfarnllyd (ac os caf ddweud, ymosodol) ag unrhyw un ohonom.

Os mai Cymreig yw fy safbwynt i, rwy’n falch o arddel hynny. Irfon yntau a’i Brydeindod – wel, rhydd i bawb ei farn. Efallai fod rhywun sy’n honni mai ef yw’r tir canol ‘rhesymegol’ (oes y fath beth a hyn dywedwch? Dyn Dadeni yn wir!) yn berycach na neb yn y pen draw.

Beth bynnag, i beth af i ddadlau mwy? Y byd yn fwy na Chymru? Ydi. Ond mae hefyd cyn lleied â’r atom lleiaf. Mae’r ‘byd’ a’r holl ddiwylliannau sydd ynddo yn ormod i neb ei amgyffred, gredwn i. Pam na fedrwn fod yn stiwardiaid ein cornel fach ein hunain? Petai pawb yn fodlon ar hynny (yn ddelfrydol, ond dim ond fel syniad rwy’n feddwl yn awr), yna fyddai mo’r rhyfeloedd rydych yn son amdanynt. Nid y gwahaniaethau sydd wedi esgor ar ryfeloedd ond yr awydd i’w dileu a gwneud i bawb fod yr un fath. Gwladychu ymerodraethol y mwyafrif ydi peth felly.

Gareth 20 Mehefin 2012, 18:01

Own goal gan irfon. Ha ha ha! Cawn weld faint o ddarllenwyr Golwg fydd yn fodlon cytuno ag ef ar ol hyn!

Tu Hwnt 20 Mehefin 2012, 19:09

Gareth – Diolch am feddwl fy mod i rywsut uwchlaw y gweddill, ond gadewch i mi eich siomi i ddechrau trwy gadarnhau nad ydw i yn meddwl hynny, nac erioed wedi chwaith.

Dwi’n cyflwyno dwy ochr o’r ddadl yn lle un, tra’n ceisio eich sicrhau (neu gostegu fyddai’n air gwell) nad ydw i (nac Irfon mae’n debyg) yn mynd i wfftio ein hiaith a’n diwylliant er mwyn ymuno a’r criw Eingl-Americanaidd ddominyddol. (Sawl gwaith oedd angen i mi gyfiawnhau hyn?)

I lawer ohonom, mae rhesymeg yn bodoli. Nid fod ateb du a gwyn i bopeth wrth gwrs, ond mae eich sylwadau blaenorol yn awgrymu mai dyma’r achos ac yn wir, fod ateb hollol ddu a gwyn i bopeth! Felly ar y pwynt hwnnw, oes unrhyw dystiolaeth gennych i gefnogi’ch honiad fod bodau dynol yn naturiol yn llwythol?

Yn olaf, mae galw enwau fel “lefties” nid yn unig yn dandin a phlentynaidd (pa bynnag ochr), ond hefyd yn tynnu dadl ddiddorol rhwng oedolion (dwi’n cymryd) i’r iard ysgol feithrin. Gallaf enwi digon o enghreifftiau ohonoch chi yn galw enwau uchod, felly parhewch gyda hynny os y mynnwch, ond peidiwch a’m cyhuddo o fod yn ymosodol.

irfon 21 Mehefin 2012, 07:17

Fawr o ots gen i os ydi darllenwyr annwyl Golwg yn cytuno a mi ne beidio Gareth. Tydw’i ddim yn plygu i blesio’r ‘llwyth’. Hollol fodlon i gefnogi Lloegr, yr Alban, Iwerddon a Chymru mor belled a mae pel droed yn y cwestiwn ( fawr o ddiddordeb yn rygbi sori ). A heno mi fyddai’n cefnogi’r Czech Republic….

Gareth 21 Mehefin 2012, 11:43

Gradd gyfartal ddefnyddiais i Tu Hwnt, nid gymharol. Dyna’r eilwaith i chi gamddarllen sylwadau rhywun sy ddim o’r un ’safbwynt’ (ni hoffaf ddyfynodau, ond hyn gan i chi fethu ar bob cam blaenorol i’w diffinio) a chi. Fawr o sylfaen i’r ddadl aeddfed rydych yn honni ei deisyfu.

Iawn ‘te, hen bryd codi’r ddadl i dir uwch, rwy’n cytuno. Ond rwy’n synhwyro hefyd mai rhyw gop-out hawdd i chi yw pigo ar ambell air o sylw rhywun fel Dafydd uchod yn lle ymateb i grynswth ei ddadl. Cyfnewidiwch y llaw-fer ‘lefties’ am ’safbwynt asgell chwith ryngwladol’ – yna beth yw eich ymateb iddo? Onid ydi’r safbwynt hwnnw yn erydu llawer o beth sy’n dda am ein harwahanrwydd? Ydi? Nac ydi? Dadleuon?

Mae’r dystiolaeth sydd wedi dechrau hyn i gyd, er ein bod wedi crwydro’n ddigon pell oddi wrthi, sef y dystiolaeth enetegol yn troi’r fantol o fy mhlaid i. Felly hefyd unrhyw ddadl sy’n seiliedig ar y traddodiad barddol Cymraeg cynnar. Felly, er tegwch, dewisiwch chi faes nesaf y ddadl – Anthropoleg, Cymdeithaseg, Hanes Cymru?

Gan mai chi sydd fwyaf eiddgar (meddech chi, ond mae amwysedd) i osgoi dadleuon personol, fe’u cyfyngwn i syniadaethau. Byddaf i’n dadlau o fy mydolwg fel cenedlaetholwr diwylliannol. Chithau?

Peidiwch, da chi, a mynnu mai yn enw Rheswm, neu rhyw dir canol sy’n ddim mwy na rhith. Rhaid i mi ddweud i mi grechwenu fwy ang unwaith gyda’r haeriadau hyn. Mae’n chwerthinllyd o eironig mai chi, lladmerydd mawr Symud Ymlaen a Pheidio ag Edrych yn Ol, sy’n methu’n lan a diffinio ei safbwynt yn y byd ol-fodern, ol-drefedigaethol. Rheswm/Rhesymegiaeth – dydyn nhw ddim yn bod! Maen nhw’n gymaint o fyth a chredoau unrhyw un arall os pigwch chi eu hymylon nhw. Yn ol pa linyn mesur rydych chi’n hawlio’r Tir Canol? Pwy sy’n diffinio beth yw’r Tir Canol? (Croeso i chithau roi heiffen yn y gair yna; rwy’n meddwl yr hoffech) Rydych yn fwy dieithr i’r byd cyfoes na fi hyd yn oed, mae arnaf ofn os nad ydych yn ymwybodol fod yr Arall wedi hen ddisodli syniadau canolaethol am ryw dir moesol uwch. Os mai ar y gwastad hwnnw y carech barhau a’r ddadl, fe allen, at bwrpas rhygnu bodd os nad dim arall, ymroi i ryw fath o Ymryson Prys a Chynwal yr ail; gallwn gael rhyw fath o fwynhad o hynny, ond peryg y byddai’n ddi-fudd. Ond dim mwy di-fudd na’r merwddwr yma.

Felly, bwrwch iddi, ond dynodwch eich safbwynt i ni gael dadlau ar y gwastad hwnnw. Rhyngwladoldeb Naif rwy’n credu yw’r term cyfaddas, ond pennwch chi.

A dim mwy o cliches am Iard yr Ysgol os gwelwch yn dda, os mai dadl iawn rydych yn gofyn amdani. Beth fydd nesaf? Natsiaeth mae’n siwr?! Tybiaf eich bod yn gyfarwydd a rheolau dadlau ar y we a bod ambell gyfeiriadaeth yn colli’r ddadl i chi’n syth?

Tu Hwnt 21 Mehefin 2012, 12:32

Y “tir canol” efallai, yn reit syml, yw y gallu i gydnabod manteision integreiddio gyda hiliau a chenedlaethau gwahanol, tra ar yr un pryd ei gydbwyso gyda parch a chadw ein traddodiadau.

Er enghraifft, mae Eisteddfod flynyddol Llangollen yn beth hyfryd i’w weld. Hefyd roedd yn braf gweld merch ifanc yn ennill yn Eisteddfod yr Urdd yn gynharach y mis hon. Oherwydd ei fod yn parhau ein traddodiadau cerddorol a llenyddol yngyd a’r iaith, tra hefyd yn dangos ein bod yn agor ein drysau, yn genedl gynhwysol, ac yn y pen draw yn hybu adnabyddiaeth Cymru i weddill y byd yn lle bod yn rhy gaeedig.

Dim byd cymhleth na “leftie” yn hyn yn fy marn i…

Tu Hwnt 21 Mehefin 2012, 12:49

*Merch ifanc fwlemaidd ddylwn i fod wedi ei ddweud

Tu Hwnt 21 Mehefin 2012, 12:50

**Fwslemaidd hyd yn oed!

Gareth 21 Mehefin 2012, 12:54

Hynny yw, gan osgoi galw enwau (dowch laen rwan TH), does dim byd yn asgell chwith ryngwladol am hynny? Nag oes? Wir?

Dydi’r Tir Canol ddim yn bod. Mae safbwyntiau pawb arall yr un mor ddilys a’ch rhai chi. Credwch neu beidio. Waw! Eureka moment!

Gan gyfeirio at drafodaeth arall ar Golwg360, mae’n ddrwg gen i ddweud ond roedd eich hagwedd at Medwen yn y fan honno yn ffiaidd. Nawr, prin iawn iawn fy mod i’n gweld lygad yn llygad a Medwen ar ddim byd – mae’n safbwyntiau yn gwbwl gyferbyniol lle mae diwylliant Cymru yn y cwestiwn. Ond dro ar ol tro ar ol tro, roeddech chi’n ymosod ar ei chrefydd, yn ei alw’n ffuglen ac yn fyth. A’r wyneb i alw Medwen yn hunan-gyfiawn [sic]!! Soniodd Medwen am y trawst yn dy lygad dy hun ond wyyyyyyshhhhh dros ben Athronydd Mawr y Fforwm.

Peth mawr yw hunandwyll. A’r gred beryglus mai chi yw’r tir canol. Yn enwedig o’i gyplysu gyda’ch ffordd o ddadlau. Dro ar ol tro ar ol tro, rydych yn cilio rhag dadl syniadaethol gyda honiadau fod pawb ond chi eich hun yn hunan-gyfiawn [sic eto] ac yn credu mewn mythau. Rydych yn ceryddu pawb fel plant drwg ac yn mynnu gwthio eich Gwirionedd chi lawr ein corn gyddfau. Chi hefyd soniodd am Iard Ysgol – wel, rwy’n credu ein bod wedi canfod y llwybr i chi mewn bywyd. Fyddwch chi fawr o athronydd, yn amlwg.

Nawr ‘te. Anthropoleg?

Gareth 21 Mehefin 2012, 13:00

A chan fentro y bydd ychwanegu hyn o sylw yn esgus i chi droi’ch llygad oddi ar fy mhrif gais unwaith eto, ni allaf chwiath adael i’ch cyfeiriad am Eisteddfod Llangollen fynd heibio heb ymateb iddo.

O, ydi, mae Eisteddfod Llangollen yn dda iawn am gynrychioli diwylliant pawb a phopeth OND ein un ni’n hunain! Ydych chi wedi gwylio’r rhaglenni teledu oddi yno erioed? Siaradwr ar ol siaradwr yn byrlymu yn ei lawenydd o gael bod yn “Great Britain” yn cystadlu. Neu’n amlach na pheidio, yn “England”. Cyfle wedi’i golli ydi Eisteddfod Llangollen.

irfon 21 Mehefin 2012, 14:08

Gareth bach, ti’n heuddu medal. Fasa ti’n dechra ffrau mewn stafell ar ben dy hun. Rilax ddyn. Rilax.

Tu Hwnt 21 Mehefin 2012, 14:10

Y tro diwethaf i mi wylio Eisteddfod Llangollen y llynedd roedd dawnswyr gwerin Cymreig, corau Cymreig a chyflwynwyr Cymreig wrth ddatgan y canlyniadau. Ond tydi hyn yn amlwg ddim yn ddigon “pur” i bobl mor gul eu meddwl a chi!

Celwydd gwbl ddi-sail eto, gan Gareth a’i feddylfryd eithafol (o bawb)?!

Hyd yn oed os maent yn dal i alw ein gwlad yn “England”, ac nad ydynt wedi clywed am Gymru (nid fel yr Alban neu Iwerddon), ar bwy yn union y mae’r bai am hynny? A! Y “nhw” wrth gwrs, nid y “ni”, Gymry gaeedig, o na!

Gyda’n capeli yn gwagio ac yn dod yn llai ac yn llai perthnasol yn flynyddol dwi’n meddwl mai chi wnaiff sgorio “own goal” wrth ddod a chrefydd i mewn i’r ddadl.

Dwi’n credu bydd rhaid cytuno i anghytuno. Ynglyn a’ch sylwadau blaenorol mae gen i berffaith hawl i ddweud beth y mynna i ar hwn!

Tu Hwnt 21 Mehefin 2012, 14:23

Cymer ofal efo defnyddio’r llythyren “x” yna Irfon, tydi o ddim yn bodoli yn yr wyddor Gymraeg.

Efallai y wnaiff Gareth ffrwydro…

irfon 21 Mehefin 2012, 14:38

Mmm. Ma gen i deimlad fod ffrwyth y ffrwydriad ar ei ffordd….

Tu Hwnt 21 Mehefin 2012, 14:47

Wel beth am i ni wneud beth sydd orau a rhoi ein dwylo i fyny’n urddasol a rhoi’r ffidl yn y to.

Dim ond wedyn y bydd Gareth yn fodlon ar ei fyd – fod e a’i lwyth wedi gorchfygu trost y “nhw”!

irfon 21 Mehefin 2012, 14:52

Syniad da Tu Hwnt. x

Sori Gareth…’ecs’

Gareth 21 Mehefin 2012, 17:55

Tu Hwnt. Beth allaf i ddweud? Drachefn a drachefn a drachefn, rydych chi’n ei wneud o, yn camddarllen ac yn camddehogli. Beth yw eich sgiliau darllen dywedwch? Ym mhle uchod y dywedais i mai fy nghrefydd i fy hun roeddwn i’n son amdani (neu hyd yn oed bod gennyf un)? A chithau i fod mor agored i brofiadau pobl eraill a’r arwahanrwydd mawr, does neb tebyg i chi am roi pobl yn eu bocs a thybio eich bod yn darllen beth maen nhw’n ddweud ond gan ddyfalu ei hanner eich hun.

Drachefn a drachefn a drachefn rydw i wedi cynnig y ddadl aeddfed roeddech chi’n gofyn amdani. Boed yn anthroploegol, gymdeithasegol neu beth bynnag, roeddwn yn fodlon trafod gyda chi, safbwynt am safbwynt, gan gytuno ar ambell beth efallai, anghytuno am eraill.

Ond y cwbwl rydym wedi ei gael yn ol gennych yw anecdot am eich tripiau dydd i’r lle hwn a’r lle acw. Dim tystiolaeth neu ddadl syniadaethol o fath yn y byd. Chi ofynnodd am drafodaeth – ydych chi eisiau un neu beidio?

Darllenwch eto be ddywedais i am Eisteddfod Llangollen hefyd. Nid beth rydych chi’n ei feddwl ymlaen llaw oedd fy marn.

Bobol annwyl, mae’ch meddwl chi’n fwy rhagfarnllyd a chaeedig na neb. Rhad ar eich cyfeillion byd os ydych fel hyn ym mhob man ar eich trafals.

Dadl athronyddol ynteu? Rydw i’n rhedeg allan o bethau i gynnig i chi, ddyn annwyl! Mae methu dadlau yn ddeallusol yn beth truenus.

Y Cymry cynhenid ydi’r ‘Prydeinwyr puraf’

Canfyddiad gwaith ymchwil fydd o fudd i feddygon a haneswyr

Poblogaidd

Swyddi

Asesydd Allanol – Iechyd a Gofal Cymdeithasol CC (Cymraeg yn Ddymunol)

Arolygydd Eiddo – Siaradwr Cymraeg

Is-ddatblygwr Meddalwedd

Swyddog Ardal Wledig (Dyffryn Conwy)

← Stori flaenorol

Rhybudd am “oblygiadau byd eang” i’r cynhesu yn yr Arctig

Stori nesaf →

Gwerthu tocynnau’r gemau Olympaidd ar y farchnad ddu

Hefyd →

Ymgyrch i dargedu troseddwyr sy’n gwerthu fêps i blant

54 sylw