Mae dyn 18 oed yn parhau i fod yn y ddalfa ar ôl i gar daro i mewn i bedwar o bobol yng Nghasnewydd fore dydd Sul.
Cafodd y dyn ei arestio ar amheuaeth o achosi niwed drwy yrru’n beryglus yn dilyn y digwyddiad ar Heol Cambrian am 5.30 y bore dydd Sul, 29 Ebrill.
Fe wnaeth gyrrwr y car Ford C Max glas ffoi wedi’r digwyddiad. Cafodd y gyrrwr ei ddisgrifio fel dyn croenddu yn ei ugeiniau.
Cafwyd hyd i’r car wedi ei losgi ar Stryd Magwyr yn ddiweddarach.
Dydy’r heddlu ddim yn trin y digwyddiad fel un brawychol.