S4C am fod yn ‘atebol’ i’r BBC

Pennaeth newydd BBC Cymru’n addo annibyniaeth olygyddol

5 Medi 2011

Rhodri Talfan Davies
Mae pennaeth newydd BBC Cymru wedi dweud y bydd rhaid i S4C fod yn atebol mewn rhyw ffordd i’r Gorfforaeth.

Ond roedd Rhodri Talfan Davies yn mynnu y byddai’r sianel yn parhau’n rhydd i wneud ei phenderfyniadau ei hun ynglŷn â chynnwys a rhaglenni.

Wrth siarad ar ei ddiwrnod cynta’n Gyfarwyddwr BBC Cymru, fe ddywedodd y byddai’n rhaid i’r BBC “gael rhyw lefel o atebolrwydd” gan S4C pan fydd y sianel yn dechrau derbyn y rhan fwya’ o’i harian trwy’r Gorfforaeth.

Dyna fyddai’r pris am fod peth o arian y drwydded deledu yn mynd i Barc Tŷ Glas, meddai ar raglen newyddion Radio Wales.

Mae Golwg360 yn deall fod yr egwyddor honno wedi ei derbyn gan S4C ond fod dadlau’n parhau ynglŷn ag union faint yr atebolrwydd.

Trafodaeth

Fis yn ôl fe awgrymodd Cadeirydd Awdurdod S4C, Huw Jones, wrth Golwg360 fod trafodaeth yn digwydd ynglŷn a chynrychiolaeth y BBC ar yr Awdurdod.

Ond fe roddodd Rhodri Talfan Davies sicrwydd hefyd y byddai arian rhaglenni’n dal i fynd i gynhyrchwyr annibynnol ac mai S4C fyddai’n “gwneud dewisiadau golygyddol ac o ran rhaglenni”.

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Asiantaeth y Swyddfa Brisio

Arolygydd Eiddo – Siaradwr Cymraeg

Prifysgol Bangor

Is-ddatblygwr Meddalwedd

Menter Iaith Conwy

Swyddog Ardal Wledig (Dyffryn Conwy)

9 sylw

Iwan Prys 5 Medi 2011, 13:46

Atebol i’r BBC = BBC yn cymryd drosodd

Ben 5 Medi 2011, 14:10

BBC yn cymryd drosodd = marwolaeth darlledu annibynnol yn Gymraeg

Fon Gruffydd 5 Medi 2011, 16:22

Ac i bwy mae’r BBC yn atebol, Mr Davies? Pe bai gan “BBC Cymru” unrhyw annibyniaeth wirioneddol, hyd yn oed o fewn y drefn Brydeinig, byddai ddisgwyl iddo adlewyrchu barn mwyafrif llethol y Cymry sydd yn erbyn herwgipio S4C gan y BBC ar orchymyn Jeremy Hunt ac sy’n gwrthwynebu’r toriadau difrifol sydd ar fin dod i raglenni materion cyfoes Cymreig gan y BBC hefyd. Ond mae pawb yn gwybod does dim rhithyn o atebolrwydd i bobl Cymru gan y BBC=EBC a’i fod yn dawnsio i diwn ei feistri Seisnig yn Llundain.

Rhys Llwyd 5 Medi 2011, 21:06

Dyma mae Cymdeithas yr Iaith wedi bod yn rhybuddio a cheisio tynnu sylw ato ers dros flwyddyn bellach. Polisi Hunt mewn partneriaeth gyda’r BBC = sefydliad annibynol Cymraeg yn colli ei hannibyniaeth ac yn gorfod dod yn atebol i sefydliad Prydeinig.

O leiaf mae Rhodri Talfan Davies yn fodlon cydnabod hynny yn gyhoeddus nawr – a thrwy wneud hynny mae’n rhoi mandad glir i’r mudiad iaith fod y BBC yn darged cwbwl ddilys yn yr ymgyrch i warchod darlledu Cymraeg annibynol.

Os caiff Rhodri Talfan Davies ei ffordd mi fydd POB math o ddarlledu cenedlaethol Cymraeg ar y teledu ac ar y radio yn “atebol” i’r BBC. Mae hyn yn newyddion difrifol i blwraliaeth darlledu a iechyd democratiaeth a diwylliant yng Nghymru.

Fon Gruffydd 6 Medi 2011, 00:28

Mae’r fandal(iaid) wedi bod wrthi eto. Ble aeth y sylwadau a bostwyd yma yn gynharach? Diflas, diflas, diflas.

Dyma’r sylw:
Ac i bwy mae’r BBC yn atebol, Mr Davies? Pe bai gan “BBC Cymru” unrhyw annibyniaeth wirioneddol, hyd yn oed o fewn y drefn Brydeinig, byddai ddisgwyl iddo adlewyrchu barn mwyafrif llethol y Cymry sydd yn erbyn herwgipio S4C gan y BBC ar orchymyn Jeremy Hunt ac sy’n gwrthwynebu’r toriadau difrifol sydd ar fin dod i raglenni materion cyfoes Cymreig gan y BBC hefyd. Ond mae pawb yn gwybod does dim rhithyn o atebolrwydd i bobl Cymru gan y BBC=EBC a’i fod yn dawnsio i diwn ei feistri Seisnig yn Llundain.

Dwi’n awgrymu fod pawb sy’n sgwennu sylwadau ar y wefan hon yn eu copio a’u cadw mewn ffeil .txt o hyn ymlaen, rhag ofn, ac yn eu hailbostio os rhaid.
Felly Mr Fandal – os wyt ti’n medru darllen hyn o gwbl! – bydd dy waith yn ofer o hyn ymlaen: dos i chwarae dy gemau plentynaidd rhywle arall!

Ifan Morgan Jones 6 Medi 2011, 05:33

“Felly Mr Fandal – os wyt ti’n medru darllen hyn o gwbl! – bydd dy waith yn ofer o hyn ymlaen: dos i chwarae dy gemau plentynaidd rhywle arall!”

Mae’n debyg fod y botwm ‘nodi camddefnydd’ weithiau’n cael ei wasgu ar gam gan ‘robotiaid’ sy’n ymweld â’r safle er mwyn casglu gwybodaeth. Felly mae’n bosib nad yw ‘Mr Fandal’ yn bodoli o gwbwl mewn rhai achosion. Ond na phoener, rydyn ni wedi cymryd camau i’w rhwystro nhw ac yn adfer y sylwadau cyn gynted a bo modd, felly does dim angen ail-bostio fel arfer.

Prif Is-olygydd

Dafydd annwyl 6 Medi 2011, 09:06

Ac mae S4C wedi neud joban anhygoel ohonni am yr 30 mlynadd dwetha do? HA HA HA HA HA. Amser i bobol trio welt hi ynglŷn ar sefyllfa yma, os mae S4C yn marw, neith yr iaith ddim marw. Yr unig bobol sy’n poeni amdano ydi pobol sy’n gweithio yna. Troi’r botwm off a dechrau eto. Bosib wedyn fydd pobol wir creadigol yn cael cyfle i drio neud rhywbeth.

Fon Gruffydd 6 Medi 2011, 18:04

@Ifan Morgan Jones. Diolch yn fawr! Mae’n ddrwg gennyf am orfod tynnu sylw at hyn mor aml yn ddiweddar, ond roedd yn dechrau mynd yn boen, a deud y lleia. Gobeithio bydd y newidiadau i’r meddalwedd yn gweithio!

CGT 6 Medi 2011, 21:55

Mae llawer ohonoch yn siarad fel petai S4C yn drysor cenedlaethol o ansawdd . Tydio ddim. Bu’n fodd i grachach Saesnegaidd Caerdydd odro’r Cymry a’r Fro Gymraeg am genhedlaeth. Ni wnaiff daten o wahaniaeth pwy sy’n rhedeg S4C.
Y gyfundrefn llosgachaidd ‘can di bennill fwyn i’th nain’ sydd wedi caniatau i un llanast diflas ar ol y llall lenwi’r sgrin sydd ar fai.
Os y gwnaiff hyn arwain at lai o rygbi dwy-a-dimai a canu di-ddiwedd , gret .

Mae’r sylwadau wedi cau.

S4C am fod yn ‘atebol’ i’r BBC

Pennaeth newydd BBC Cymru’n addo annibyniaeth olygyddol

Poblogaidd

← Stori flaenorol

Stori nesaf →

Hefyd →

9 sylw