Mae’r heddlu yn galw am wybodaeth ar ôl ymosodiad anweddus ar ddynes 52 oed ym Mlaenau Ffestiniog ddydd Iau, 14 Ebrill.
Dywedodd y Ditectif Gwnstabl Mike Owen fod yr ymosodiad wedi digwydd tua 9.15am mewn adeilad yn y dref.
Mae’r heddlu yn awyddus i gael gafael ar ddyn ag acen Wyddelig, sydd tua 30 oed, â gwallt brown wedi ei glymu y tu ôl i’w ben.
Roedd yn gwisgo hwdi gwyn, jîns du, a phâr o esgidiau rhedeg heb lasys.
“Rydyn ni’n amlwg yn awyddus iawn i gael gafael ar y dyn ac fe ddylai unrhyw un sydd â gwybodaeth amdano gysylltu â’r heddlu,” meddai Mike Owen.
Dylid ffonio 0845 607 1001 neu Taclo’r Tacle yn ddienw ar 0800 555 111.
