Mae’r Ceidwadwyr wedi dangos “lefel newydd o anallu” drwy beidio â chadarnhau enwau ymgeiswyr ym mhob etholaeth yng Nghymru hyd yma, medd Llafur.
Ddyddiau’n unig cyn y dyddiad cau, dydyn nhw ddim wedi llenwi saith sedd allan o’r 32 etholaeth yng Nghymru.
Yn sgil newid ffiniau, bydd gan Gymru 32 aelod seneddol yn lle’r 40 a fu gynt.
“Dyma lefel newydd sbon o anallu gan y Torïaid,” meddai Jessica Morden, cadeirydd ymgyrch Llafur Cymru.
“Yn gyntaf maen nhw’n torri nifer yr aelodau seneddol yng Nghymru, ac wedyn dydyn nhw ddim hyd yn oed wedi gallu dod o hyd i ddigon o ymgeiswyr sy’n barod i gyfaddef eu bod nhw’n Dorïaid mewn etholiad brys maen nhw eu hunain wedi’i alw.
“Gallai’r saith etholaeth lwcus hyn ddianc rhag anhrefn ymgeisydd Torïaidd, ond ar Orffennaf 4 gall Cymru gyfan bleidleisio dros newid gyda Llafur Cymru.”
