Llys y Goron Abertawe
Mae dyn wedi ymddangos yn Llys Ynadon Abertawe heddiw, wedi’i gyhuddo o lofruddio dynes ar ôl i’w chorff gael ei ganfod mewn tŷ ym mhentref Tonna, ger Casnewydd.
Mae Rhys Trevor Anthony Hobbs, 43, wedi’i gyhuddo o lofruddio’r fam i ddau blentyn, Andrea Lewis, 51. Daeth yr heddlu o hyd i’w chorff yn y tŷ ddydd Sadwrn, 30 Ionawr.
Cafodd Rhys Hobbs ei gadw yn y ddalfa, a bydd yn mynd gerbron Llys y Goron Abertawe ddydd Gwener.
Cafodd dyn arall, 46, ei arestio mewn cysylltiad â’r llofruddiaeth, ond cafodd ei ryddhau ar fechnïaeth yr heddlu, wrth i ymchwiliadau barhau.
