Bydd banc HSBC yn wynebu cwestiynau gan y Senedd yr wythnos hon, yn dilyn eu penderfyniad dadleuol i ddirwyn gwasanaeth Cymraeg i ben.

Daeth cadarnhad yn ddiweddar fod y llinell Gymraeg yn dod i ben, gwta ddwy flynedd ar ôl i’r banc lansio menter i annog eu staff i ddysgu’r Gymraeg, ac i sicrhau bod eu deunyddiau ac arwyddion ar gael trwy gyfrwng y Gymraeg hefyd.

Roedden nhw’n dweud bryd hynny eu bod nhw’n “falch eithriadol” o helpu i gynnal yr iaith drwy gynnig gwasanaethau Cymraeg i gwsmeriaid.

Maen nhw’n dweud mai 22 o alwadau Cymraeg y dydd maen nhw’n eu derbyn erbyn hyn, o gymharu â 18,000 yn Saesneg.

Unwaith neu ddwy y flwyddyn mae 73% o bobol yn ffonio’r llinell Gymraeg, meddai’r banc.

Bydd HSBC yn anfon Jose Carvalho, eu Pennaeth Cyfoeth a Bancio Personol, i’r cyfarfod yn y Senedd ddydd Mercher (Tachwedd 29).

Bydd modd gwylio’r sesiwn yn fyw ar www.senedd.tv

Arian a Busnes

Gwasanaeth Cymraeg HSBC: Galw am “gymodi”, ac nid “mynnu llosgi pontydd”

Siân Gwenllian, Aelod Plaid Cymru o’r Senedd dros Arfon, wedi derbyn ymateb uniaith Saesneg i’w llythyr am ddirwyn gwasanaeth Cymraeg i ben
Arian a Busnes

‘Banc lleol y byd’ yn dirwyn gwasanaeth Cymraeg i ben: ‘Gall pawb fancio yn Saesneg’

Mae gwleidyddion wedi ymateb yn chwyrn i’r newyddion ynghylch HSBC