Gerald Jones
Mae Heddlu Gwent wedi gwneud apêl am wybodaeth i ddod o hyd i ddyn 61 oed sydd ar goll o’i gartref yn Y Fenni.
Gwelwyd Gerald Jones ddiwethaf ddydd Sadwrn, Ionawr 16.
Mae’r heddlu yn ei ddisgrifio fel dyn gwyn, tua 5 troedfedd 5 modfedd, a chanddo wallt llwyd sy’n moeli.
Fe’i gwelwyd diwethaf yn gwisgo siwmper las gyda chrys oddi tano a thrywsus glas.
Dylai unrhyw un sydd â gwybodaeth ynglŷn â lleoliad Gerald Jones gysylltu â’r heddlu ar 101 gan ddyfynnu’r cyfeirnod 318 18/01/16.
