Mae dynes mewn cyflwr difrifol yn yr ysbyty ar ôl iddi gael ei tharo gan gar yn Aberystwyth neithiwr.
Roedd y ddynes yn croesi’r ffordd pan fu mewn gwrthdrawiad a Toyota Yaris gwyn ychydig cyn 6:30yh nos Lun yn agos i fwyty a thafarn y Starling Cloud ar Boulevard De Saint Brieuc.
Cafodd y ddynes ei chludo mewn ambiwlans awyr i Ysbyty Athrofaol Caerdydd lle mae’n parhau i fod mewn cyflwr difrifol.
Bu’r ffordd ynghau tra bod ymchwilwyr ar y safle ac mae Heddlu Dyfed Powys yn apelio am unrhyw wybodaeth.
