Mae Liz Saville Roberts wedi cynnig medal i Boris Johnson, Prif Weinidog y Deyrnas Unedig, am fod “y sarjant recriwtio gorau y gallai annibynaieth ddymuno’i gael”.
Yn ystod Sesiwn Holi’r Prif Weinidog, fe wnaeth arweinydd Plaid Cymru yn San Steffan fynnu y bydd “trahauster San Steffan yn parhau i fod yn deyrn ar ddyfodol Cymru”.
Drwy wrthod ymddiswyddo, er bod nifer o’i Gabinet wedi mynd neithiwr (nos Fawrth, Gorffennaf 5), mae hi’n cyhuddo Boris Johnson o “roi goroesiad gwleidyddol uwchlaw dyletswydd gyhoeddus”.
“A yw e eisiau medal am fod y sarjant recriwtio gorau y gallai annibyniaeth ddymuno’i gael?” gofynnodd wedyn.
Dyfodol yr Undeb
Wrth ymateb, mae Boris Johnson wedi pwysleisio nerth yr Undeb.
Dywedodd ei fod e wedi cael “sgwrs wych” gyda Mark Drakeford a Nicola Sturgeon, prif weinidogion Cymru a’r Alban, a’i fod e’n gweld “clymau ein Hundeb yn cael eu cryfhau drwy’r amser”.
“Mae dyddiau Boris Johnson wedi’u rhifo”
