Rhybudd am wyntoedd o hyd at 70m.y.a.

Mae’r Swyddfa Dywydd wedi cyhoeddi rhybudd am wyntoedd cryfion mewn nifer o ardaloedd ar hyd arfordir Cymru ddydd Sul.

Gallai’r gwyntoedd gyrraedd cyflymdra o hyd at 70 milltir yr awyr.

Mae rhybudd melyn mewn grym tan 8 o’r gloch nos Sul, sy’n rhybuddio pobol i fod yn ‘ymwybodol’ o’r peryglon.

Mae’r gwyntoedd eisoes wedi cael effaith ar deithwyr yn ystod y bore.

Mae pontydd Britannia ym Môn a Chleddau yn Sir Benfro ar gau i gerbydau uchel, ac mae gwasanaethau fferi o Abergwaun i Iwerddon ac o Gaergybi i Ddulyn wedi cael eu canslo.

Mae Pont Cleddau yn Sir Benfro, a Phont Britannia ar Ynys Môn ar gau i gerbydau uchel.

Mae disgwyl hefyd y bydd hyd at 80mm o law yn cwympo ddechrau’r wythnos.