Mae dynes 46 oed wedi cael ei chyhuddo o lofruddio dyn 31 oed yng Nghei Connah.
Daw hyn yn dilyn digwyddiad yn y dref ddydd Sadwrn (Mai 22).
Cafodd yr heddlu eu galw yn dilyn adroddiadau bod dyn wedi cael ei drywanu.
Mae Emma Berry bellach yn y ddalfa wedi’i chyhuddo o lofruddio Dean Michael Bennett, a gafodd ei gludo mewn hofrennydd i’r ysbyty yn Lerpwl lle bu farw.
Mae Emma Berry wedi’i chadw yn y ddalfa ac mi fydd hi’n mynd gerbron ynadon yn Llandudno heddiw (dydd Mawrth, Mai 25).
Mae dyn 35 oed a merch 16 oed a gafodd eu harestio yn dilyn y digwyddiad bellach wedi cael eu rhyddhau’n ddigyhuddiad.
Enwi dyn fu farw yn dilyn ymosodiad difrifol yng Nghei Connah
Dean Michael Bennett, dyn 31 oed o’r ardal, wedi’i drywanu
