Mae’r Swyddfa Dywydd wedi cyhoeddi rhybudd am rew mewn 15 o siroedd Cymru yn y de a’r canolbarth.

Mae rhybudd melyn am rew mewn lle o hanner nos, nos Wener tan naw bore dydd Sadwrn, Chwefror 6.

Rhybuddiwyd y gallai ffyrdd, palmentydd a llwybrau beicio heb eu trin arwain at anafiadau i bobol.

Mae’r rhybudd tywydd diweddaraf yn cynnwys Blaenau Gwent, Pen-y-bont ar Ogwr, Caerffili, Caerdydd, Sir Gaerfyrddin, Ceredigion, Merthyr Tudful, Sir Fynwy, Castell-nedd Port Talbot, Casnewydd, Powys, Rhondda Cynon Taf, Abertawe, Torfaen a Bro Morgannwg.

Yn gynharach yr wythnos hon achosodd eira drafferthion i bobol ar draws Cymru.