Mae dynes 35 oed wedi cael anafiadau difrifol ar ôl i gar rolio i lawr y dibyn a glanio ar lwybr ger traeth yn Abertawe.
Cafodd y gwasanaethau brys eu galw i’r digwyddiad yn y Mwmbwls am oddeutu 2.30yp ddoe (dydd Sadwrn, Medi 19).
Cafodd ei merch fach chwech oed ei hanafu, ond nid yn ddifrifol.
Chafodd gyrrwr 84 oed y car mo’i hanafu.
Yn ôl yr heddlu, dydy anafiadau’r ddynes 35 oed ddim am newid na pheryglu ei bywyd.
Mae’r heddlu’n apelio am wybodaeth.
