Mae bachgen pum mlwydd oed wedi marw yn dilyn gwrthdrawiad yng Nghaerdydd fore Sul.
Digwyddodd y gwrthdrawiad rhwng Ford Focus arian, Ford Focus gwyrdd a Seat gwyn ar Rodfa’r Gorllewin am oddeutu 11.30 y bore.
Cafodd y bachgen ei gludo i Ysbyty Athrofaol Caerdydd, lle bu farw’n ddiweddarach.
Mae merch dwy oed mewn cyflwr difrifol yn yr ysbyty.
Mae’r heddlu wedi apelio am dystion i’r digwyddiad, a dylai unrhyw un â gwybodaeth gysylltu â’r heddlu ar 101.
