Mae un person wedi marw yn dilyn gwrthdrawiad rhwng fan a chraen yn Sir Gaerfyrddin y bore yma.
Cafodd y gwasanaethau brys eu galw am oddeutu 5.45 yn dilyn y gwrthdrawiad ar ffordd A48 rhwng Porthyrhyd a Foelgastell.
Bu farw gyrrwr y fan o ganlyniad i’w anafiadau.
Mae’r ffordd wedi’i chau i’r ddau gyfeiriad wrth i’r heddlu ymchwilio i’r gwrthdrawiad, ac mae traffig yn cael ei ddargyfeirio am y tro.
Mae teulu’r gyrrwr wedi cael gwybod am ei farwolaeth.
Dylai unrhyw un â gwybodaeth gysylltu â’r heddlu ar 101.
