Mae dynes wedi marw mewn tân difrifol yng Nghwmbrân y bore ma.
Cafodd y gwasanaeth tân eu galw tua 6:45 y bore i floc o fflatiau dau lawr yn ardal St Dials y dref.
Mae dyn hefyd wedi cael ei gludo i Ysbyty Brenhinol Gwent yn dioddef o effeithiau anadlu mwg.
Mae pedwar o griwiau tan ar y safle a chafodd Heol Shakespeare ei gau i’r ddau gyfeiriad yn ystod y digwyddiad.
Mae’r adeilad yn cynnwys pedwar o fflatiau.
Mae’r bobl sy’n byw yn y fflatiau eraill wedi cael eu symud o’r adeilad ac mae’r heddlu ar hyn o bryd yn gweithio gyda’r awdurdod lleol a chymdeithasau tai i drefnu llety arall ar eu cyfer.
Mae’r Heddlu a’r Gwasanaeth Tân yn cynnal ymholiadau pellach er mwyn darganfod beth oedd achos y tân.
Dylai unrhyw un sydd â gwybodaeth am y digwyddiad ffonio 101 gan ddyfynnu rhif cyfeirnod 33 19/05/15.
