Mae beiciwr modur wedi marw yn dilyn gwrthdrawiad gyda char yn Nhrefforest bnawn ddoe.
Fe ddigwyddodd y ddamwain ar yr A4054 ger Stad Ddiwydiannol Trefforest am 5.10 bnawn dydd Mercher.
Roedd beic modur Honda yn teithio i gyfeiriad Trefforest mewn gwrthdrawiad a char Volkswagen Golf lliw du.
Bu farw’r beiciwr modur yn y fan a’r lle. Dywed Heddlu’r De bod swyddogion cyswllt teulu yn rhoi cymorth i’w deulu.
Mae’r heddlu’n apelio ar unrhyw un a welodd y gwrthdrawiad i gysylltu â nhw neu a welodd y VW Golf neu’r beic modur yn cael eu gyrru cyn y ddamwain.
Dylai unrhyw un sydd â gwybodaeth ffonio’r heddlu ar 101.
