Mae Cyfoeth Naturiol Cymru yn gofyn i bobol gymryd gofal ychwanegol y penwythnos hwn yn sgîl rhybudd y gall llanw uchel achosi amgylchiadau peryglus.
Mae disgwyl i donnau uchel effeithio ar rannau o’r arfordir, yn benodol ym Mhen Llŷn ac ar arfordir Penrhyn Gŵyr hyd at gennau’r afon Gwy.
Gall y llanw uchel achosi llifogydd yn lleol o yfory ymlaen, ac mae disgwyl gwyntoedd cryfion ddydd Llun.
Bydd rhybuddion yn cael eu diweddaru ar wefan Cyfoeth Naturiol Cymru.
