Mae’r heddlu’n apelio am dystion yn dilyn damwain ffordd ddifrifol yn Ynys Môn neithiwr.
Cafodd Heddlu Gogledd Cymru eu galw i wrthdrawiad rhwng dau gerbyd ar y B4451 rhwng Llangaffo a Niwbwrch toc wedi 8yh nos Sul.
O ganlyniad i’r gwrthdrawiad, cafodd dynes leol ei chludo i Ysbyty Gwynedd ym Mangor mewn ambiwlans gydag anafiadau difrifol.
Bu’r ffordd ar gau am gyfnod ond cafodd ei ail agor yn oriau man y bore.
Mae’r heddlu yn apelio ar unrhyw un a welodd y gwrthdrawiad i gysylltu â nhw drwy ffonio 101 gan ddyfynnu rhif cyfeirnod S015297.
