Mae tîm achub mynydd Bannau Brycheiniog wedi apelio am gymorth ariannol i ddisodli cerbyd Land Rover a gafodd ei anfon i chwilio am ddyn neithiwr.
Cafodd y criw eu galw i fynydd Pen-y-fan yn dilyn adroddiadau bod dyn ar goll.
Cafwyd hyd i’r dyn ond cafodd y cerbyd ei ddinistrio ar ôl troi drosodd yn ystod y chwilio.
Ni chafodd unrhyw un ei anafu yn y digwyddiad.
Mae’r gwasanaeth wedi apelio am gymorth ariannol i brynu cerbyd newydd, ac maen nhw wedi cyhoeddi manylion ynghylch sut i gyfrannu.
