Vincent Tan
Mewn datganiad ar wefan y clwb mae perchennog Clwb Pêl-droed Caerdydd wedi datgelu iddo benderfynu y bydd chwaraewyr y clwb yn gwisgo crysau glas eto.
Roedd penderfyniad Vincent Tan i newid lliw crysau’r clwb i goch wedi cythruddo cefnogwyr.
Bu’r perchennog yn cyfarfod cefnogwyr y clwb neithiwr, a bu darogan y byddai tro pedol.
O yfory ymlaen, glas fydd lliw’r crys cartref. Coch fydd lliw’r crys oddi cartref.
“Bydd bathodyn y clwb yn cael ei ailddylunio hefyd i adlewyrchu goruchafiaeth y Deryn Glas,” meddai Tan yn ei ddatganiad ar y wefan.
Mi wnaeth Tan aralleirio un o ddyfyniadau enwog John F. Kennedy hefyd: “Let us never compromise out of fear. But let us never fear to compromise.”
