Mae dyn wedi ei gludo i’r ysbyty wedi ymosodiad mewn bloc o fflatiau yn Nhredelerch, Caerdydd, heddiw.
Cafodd y gwasanaethau brys eu galw i fflat yn ardal Glan y Môr am 12:47 prynhawn dydd Mawrth.
Nid oes manylion am anafiadau’r dyn ar hyn o bryd ond ni chredir eu bod yn fygythiad i’w fywyd, yn ôl yr heddlu.
Cafodd dyn arall ei arestio a’i gadw yn y ddalfa ym Mae Caerdydd ar amheuaeth o ymosod.
